https://www.sakha.gov.ru/news/front/view/id/3381605
«Защитники Отечества» судаарыстыбаннай пуонда Саха сиринээҕи филиала байыаннай дьайыы кыттыылааҕар үлэ буларга көмөлөстө.
Иннокентий В. байыаннай дьайыыга 2022 сыл балаҕан ыйыттан 2023 сыл бэс ыйыгар диэри анал этэрээккэ сылдьыбыта. Хантараага бүппүтүн кэннэ дойдутугар кэлбитэ.
Бэтэрээн судаарыстыбаннай пуонда филиалыгар үлэ боппуруоһунан сэтинньи бүтүүтэ кэлэ сылдьыбыта. Киниэхэ анал социальнай координаторы анаабыттара. Иннокентий байыаннай дьайыыга барыан иннинэ операторынан үлэлээбит буолан, хочуолунайга үлэлиир санаалааҕын туһунан эппитэ.
Филиал социальнай координатора Елена Бережнова байыаннай дьайыы кыттыылааҕын сайаапкатын ылан, куораттааҕы дьарыктаах буолуу управлениетын «Моя работа» офиһыгар регистрациялаабыта. Бу кэннэ номнуо ахсынньы 8 күнүгэр Иннокентий В. хочуолунайга машиниһынан (оператор) үлэлии киирбитэ.
«Билигин мин хочуолунайга үлэлии сылдьабын. Миэхэ түргэнник көмөлөспүттэригэр махтанабын. Өссө разрядпын үрдэтэр курдук үөрэтэргэ этии киллэрдилэр»,– диэн байыаннай дьайыы кыттыылааҕа санаатын үллэһиннэ.
Иннокентий социальнай координатора Елена Бережнова бэлиэтээбитинэн, филиалга чопчу боппуруостары быһаартараары элбэх этии, сайабылыанньа киирэр эбит. «Биһиги бэтэрээннэрбит боппуруостара түргэнник быһаарыллалларыттан үөрэбит», — диэн эбэн эттэ кини.
Санатан эттэххэ, Саха сиригэр уонна да атын эрэгийиэннэргэ «Защитники Отечества» пуонда филиаллара үлэлииллэр. Бу пуонда дойду Аҕа баһылыга Владимир Путин ыйааҕынан тэриллибитэ.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…