Пуонда учуотугар өрөспүүбүлүкэ үрдүнэн 198 инбэлиит турар

«Защитники Отечества» пуонда учуотугар өрөспүүбүлүкэ үрдүнэн 198 (байыаннай дьайыы кыттыылааҕа) инбэлиит турар. Сүрүн болҕомто тиэхиньиичэскэй чөлгө түһэрии тэриллэринэн хааччыйыыга  ууруллар.  Балар федеральнай испииһэккэ киирбэттэр. Бу туһунан бүгүн брифинг кэмигэр пуонда дириэктэрин социальнай арыаллааһыҥҥа солбуйааччы Лилия Голикова иһитиннэрдэ.

Чөлгө түһэрии тэриллэрин испииһэгэр спортивнай протезтар, кириэһилэ-кэлээскэлэр киирэллэр. Бүгүҥҥү күҥҥэ пуонда киин аппараатыгар 20 сайаапка киирбит. Онтон 16 сайаапка cөбүлэҥи ылбыт. Ол түмүгэр инбэлиит буолбут икки байыаннай сулууспалаах электрическай кириэһилэ-кэлээскэнэн хааччыллыбыттар, оттон 13 инбэлиит спортивнай  протезтарга тиксибиттэр.

Пуонда филиала «Ортомед+» диэн протез оҥорор киини кытта ыкса үлэлэһэр.