СӨ Уопсастыбаннай балаататын уонна СӨ Ыччат дьыалаларыгар, социальнай коммуникацияларга министиэристибэтин тэрийиилэринэн Үлэ сылынан сибээстээн ыытыллар Гражданскай пуорумҥа дьахтар, ийэ оруолун үрдэтиигэ анаан биир сүрүн боппуруоска туһуламмыт анал былаһаакка үлэлээтэ.
Тэрээһин чэрчитинэн дьахтар уопсастыбаҕа оруолун үрдэтиигэ анаммыт ийэлэр өрөспүүбүлүкэтээҕи мунньахтара буолла. “Дьүөгэлэр” уопсастыбаннай тэрилтэттэн дэлэгээт быһыытынан уопсастыбанньык, “Хотугу сулус” айар куттаах оҕолору өйүүр тэрилтэни тэрийэн, үгүс ыччаты сырдыкка, кэрэҕэ кынаттаабыт Татьяна Гоголева санаатын үллэһиннэ.
— Гражданскай пуорум чэрчитинэн ыытыллар тэрээһиҥҥэ биһиги үлэ саҥа былаанын торумнуохпут. Саха сиригэр Дьахталлар уопсастыбаннай тэрилтэлэрин сойууһа, “Дьүөгэлэр”, “Арассыыйа ийэлэрэ” курдук бастыҥ уопсастыбаннай хамсааһыннар бааллар. 2022 сыллаахха Ийэ сылын бары тэрээһиннэригэр бу уопсастыбаннай тэрилтэлэр ийэ оруолун үрдэтиигэ көхтөөх үлэни ыыттылар уонна күн бүгүн эмиэ кэскиллээх бырайыактары олоххо киллэриигэ кинилэр инники күөҥҥэ сылдьаллар, — диэн Үлэ уонна социальнай сайдыы миниистирэ Елена Волкова пуоруму аһарыгар бэлиэтээтэ.
Пуорум бастакы күнүгэр дьахталлар хас да бөлөххө хайдыһан, санааларын атастаһан баран, анал бырайыактары оҥоро охсон көмүскээтилэр.
Салгыы Татьяна Гоголева пуорум туһунан санаатын маннык үллэһиннэ:
Былаһааккаларга ырытыллыбыт боппуруостары пуоруму түмүктүүр пленарнай мунньахха билиһиннэриэхтэрэ. Бу туһунан Татьяна Гоголева санаатын тиэртэ.
Гражданскай пуорум иккис күнүгэр А.Е Кулаковскай-Өксөкүлээх Өлөксөй аатынан Норуоттар доҕордоһууларын дьиэтигэр Ийэ дойдуга бэриниилээх буолууга туһуламмыт санаа атастаһыытын былаһаакката үлэлиэҕэ. Тэрээһин пленарнай мунньаҕынан түмүктэниэҕэ.
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…