Пуорумҥа пилота суох авиационнай тиһиги туһаныы туһунан дьүүллэһэллэр

Бүгүн, сэтинньи 28 күнүгэр, «Сыыппара алмааһа» пуорум чэрчитинэн эспиэрдэр территория сайдыытын уонна инфраструктура туругун хонтуруоллааһыҥҥа туһаныллыытын «Сценарии применения БАС: мониторинг объектов строительства, инфраструктуры, ЖКХ и экологии на основе данных с БВС» сиэссийэҕэ дьүүллэстилэр.

«Цифровые регионы: лучшие практики и стратегии развития» сиэссийэтигэр Федерация Сэбиэтин иһинэн сыыппара экэниэмикэтин сайдыытын сэбиэтин салайааччыта Анатолий Курманов пилота суох көтөр аппараат чуолаан тутуу салаатыгар наадалаах диэн бэлиэтээтэ. Кини этэринэн, аныгы технологиялар бырайыактыах иннинэ чинчийии ыытарга, 3D-моделлары оҥорорго; тутуу хаамыытын уонна хаачыстыбатын хонтуруоллуурга; ИИ-аналитикатын туһанан эбийиэктэргэ куттал суох буолуутун маныырга; сири-уоту кэтээн көрөргө; сири кытта үлэни уонна карьердары хонтуруоллуурга туһуланар.