Пушкин автографтарын, уруһуйдарын көрдөрүүгэ туруоруохтара

Быйыл нуучча улуу бэйиэтэ Александр Пушкин төрөөбүтэ 225 сылын туолар. Санкт-Петербурдааҕы норуоттар икки ардыларынааҕы экэнэмиичэскэй пуорум (ПМЭФ) култуураҕа бэстибээлигэр Пушкин үбүлүөйүн сырдатыахтара. Пуорум былаһааккатыгар кини автографтара, 1817 сыллаах уруһуйдара көрдөрүүгэ туруохтара диэн ТАСС иһитиннэрэр.

Бэс ыйын 4 күнүгэр ПМЭФ култуураҕа бэстибээлэ аһыллыаҕа. Бэстибээл сүрүн тэрээһининэн Дворцовай болуоссакка кэнсиэр буолуоҕа, онно ыҥырыылаах ыалдьытынан РФ үтүөлээх артыыһа Вячеслав Бутусов кыттыаҕа.

Маны тэҥэ, Санкт-Петербург Судаарыстыбаннай академическай капеллатыгар «Русская фортепианная школа. Мастера и наше будущее» кэнсиэр буолуоҕа. Бэстибээлгэ олус элбэх тэрээһиннэр — кэнсиэртэр, быыстапкалар, маастар-кылаастар, сэминээрдэр былааннаммыттар.

Онтон улуу Пушкин сүгүрүйээччилэрэ бэйиэт эт илиитинэн суруйбут автографтарын уонна уруһуйдарын көрөр кыахтаныахтара.