Хаартыска: култуура министиэристибэтэ.
«Пушкин каартатын» көмөтүнэн, тыһыынчанан оҕо култуура тэрилтэлэригэр сылдьар, кэрэҕэ кыттыһар кыахтаннылар.
«Пушкин каартата» култуура, дьиэ кэргэн сыаннастарын иҥэрэргэ, духуобунай-патриотическай, сиэр-майгы иитиитигэр улахан кылаатын киллэрэр. Учууталларга эмиэ көмөлөөх — бүтүн кылааһы уруокка сыһыаннаах испэктээкилгэ, быыстапкаҕа сырытыннарыахтарын сөп.
Опера, балет тыйаатырыгар «Пушкин каартатынан» тыйаатыр кэтэх өттүгэр киирэн, экскурсиялыахха сөп. Онон оҕолор тыйаатырга интэриэстэрэ күүһүрэр.
Чуолаан Д.К. Сицев-Суорун Омоллоон аатынан Опера, балет тыйаатыра «Пушкин каартатын» туһаныыга лиидэр буолла диэн култуура министиэристибэтэ иһитиннэрэр.
2024 сылга тыйаатыр 4,1 мөлүйүөн солкуобай суумалаах 5382 билиэти биэрбит. 2022 сылтан барыта 14,1 мөлүйүөн солкуобай суумалаах 22 тыһыынча билиэти оҕолорго биэрбиттэр.
Бу кэнниттэн Саха тыйаатыра иһэр — ааспыт сылга 3,5 мөлүйүөн солкуобай суумалаах 4506 билиэти биэрбиттэр. Кэнники үс сылга — 13,4 мөлүйүөн солкуобай суумалаах 16 924 билиэти биэрбит.
Үһүс миэстэҕэ Пушкин аатынан Нуучча драматическай тыйаатыра таҕыста — ааспыт сылга 1,9 мөлүйүөн солкуобай суумалаах 3645 билиэти биэрбит, 3 сыл иһигэр 5,9 мөлүйүөн солкуобай суумалаах 13 100 билиэти биэрбит.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…