Хаартыска: sakhagov.ru
Балаҕан ыйын 15-21 күннэригэр Саха сиригэр «ВОИН» киин курсааннарыгар «Путь ВОИНа» Бүтүн Арассыыйатааҕы байыаннай-тактическай күрэхтэһии финала буолуоҕа.
«ВОИН» киин иһитиннэрбитинэн, финалга кыттааччылар 25 кв. килэмиэтир иэннээх сиргэ улахан хамаанданан кытаанах киирсиини көрсүөхтэрэ. Хамаандалар чуолкайдык оҥоһуллубут сценарий быһыытынан дьаһаныахтаахтар, сиргэ-уокка сирдэтинэргэ аныгы тэриллэри уонна «өстөөҕү» көрдүүргэ араадьыйа тэриллэрин, дроннары туһанан, тактическай бойобуой тактическай бэрээдэгинэн хамсанан, «лазертаг» сэбинэн «өстөөҕү» сууһарыахтаахтар. Сэрэтэр сигналларга уонна эвакуация дьаһалларын ыытыыга ураты болҕомто ууруллуоҕа. «ВОИН» киин уопуттаах инструктордара камера, дрон уонна GPS-трекер көмөтүнэн хамаандалар куттала суох буолууларын хонтуруоллуохтара.
Күрэхтэһиини таһынан кадеттарга култуурунай бырагыраама баар буолуоҕа. Ыччат патриотическай түмсүүлэр араас тэрээһиннэри тэрийиэхтэрэ, ыалдьытымсахтарын көрдөрүөхтэрэ.
4 хамаанда Саха сирин, Волгоградскай уобалас, Хабаровскай кыраай уонна Тюмень уобалаһыттан кыайыы иһин күрэхтэһиэхтэрэ, дойду 21 эрэгийиэннэригэр баар «ВОИН» киин бары салааларыттан бастыҥ көрдөрүүлээх 14-17 саастаах 250-тан тахса курсант кыттыаҕа.
— “Путь ВОИНа” диэн күрэхтэһии эрэ буолбатах. Бу биһиги бэйэбит улахан бырайыакпыт, манна уол оҕо майгыта уһаарыллар, дьиҥнээх патриотизм иитиллэн, Аҕа дойду көмүскээччитин уратытын көрдөрөр тирэҕэ үөскүүр. Манна хамаанданан үлэ уонна салайар хаачыстыба, быһаарыыны уонна эппиэтинэһи ылынар кыах улахан суолталаахтар. Саҥа көлүөнэҕэ күүстээх, сэмэй, Ийэ дойдуга бэриниилээх уолаттар үүнэн эрэллэрин көрөбүт, бу үөрүйэхтэр кинилэргэ үйэ тухары хаалыахтара диэн бигэ эрэллээхпит. Ол да иһин “ВОИН” суолун сыл аайы ыытар тэрээһин оҥорорго быһаарынныбыт, — диир “ВОИН” киин хамандыыра, Арассыыйа Дьоруойа, “Дьоруойдар кэмнэрэ” бэрэсидьиэн бырагырааматын кыттыылааҕа Андраник Гаспарян.
“ВОИН” киин Арассыыйа бэрэсидьиэнэ Владимир Путин сорудаҕынан тэриллибитэ. Киин салаалара өрөспүүбүлүкэ 21 улууһугар үлэлииллэр.
Сиһилии: https://www.sakha.gov.ru/news/11691
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…