«Путь воина» байыаннай-тактическай күрэхтэһиини ыытарга бэлэмнэр

«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр финалларын ыытарга бэлэмнэр.

Күрэхтэһиигэ Саха сирин, Хабаровскай кыраай, Тюмень уонна Волгоград уобаластарын «Воин» киинин филиалларын хамаандалара кыттыахтара. Уопсайынан 48 курсант күрэхтэһиэ.

Күрэхтэһиинии тэрийиигэ уонна судьуйалааһыҥҥа «Воин» киин аппараатын 36 уонна 13 филиалыттан (Бурятия, Донецкай Норуодунай Өрөспүүбүлүкэ, Татарстан, Чувашия, Саха сирэ, Камчатка, Хабаровскай кыраай, Волгоград, Мурманскай, Сахалин, Свердловскай, Тюмень уобаластара, Ямало-Ненецкэй автономнай уокурук) үлэһитэ тардылынна.

Күрэхтэһии буолар сиригэр кыттааччыларга куттал суох буолуутун Арассыыйа Ыксаллаах быһыыга-майгыга министиэристибэтэ, Арассыыйа ИДьМ уонна Росгвардия пилота суох көтөр аппарааттары туһанан хааччыйыахтара. Күрэхтэһии ыытллар сиригэр бары өттүнэн Арассыыйа ИДьМ-н патрульнай-постовой сулууспатын уонна добровольнай норуот дружиналарын постара туруохтара уонна 2 аттаах ботуруул үлэлиэ.

Ыстаап турар сиригэр, көрдөрөр-иһитиннэрэр сириэстибэлэргэ анаан, аһыырга, спортивнай мэдиссиинэҕэ, катастрофа мэдиссиинэтигэр, хамаандаларга, салайар састаапка, пилота суох көтөр систиэмэ оператордарыгар уонна «Геоскан» хампаанньа, Арассыыйа ИДьМ уонна Росгвардия үлэһиттэрин олордорго, дьуһуурунай симиэнэ сынньанарыгар, ыскылаакка аналлаах балааккалар туруоруллуохтара.

Санатан эттэххэ, «Путь воина» байыаннай-тактическай күрэхтэһии РФ бырабыыталыстыбатын бэрэссэдээтэлин солбуйааччы — РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «ВОИН» киин кэтээн көрөр сэбиэтин бэрэссэдээтэлэ Юрий Трутнев көҕүлээһининэн ыытыллар.