«Путь Воина» күрэхтэһиини ыытарга бэлэммит

«Воин» киин өрөспүүбүлүкэҕэ ыытыллар Бүтүн Арассыыйатааҕы байыаннай-тактическай «Путь Воина» күрэхтэһиитин түмүктүүр түһүмэҕин ыытыы  бэлэмин бэрэбиэркэлээтилэр.

Санатан эттэххэ, Саха сиригэр аан бастаан ыытыллар Бүтүн Арассыыйатааҕы байыаннай-тактическай «Путь Воина» күрэхтэһии түмүктүүр тэрээһинэ балаҕан ыйын 15 күнүттэн 21 күнүгэр диэри ыытыллыаҕа.

Онно Саха сириттэн, Хабаровскай кыраайтан, Волгоград уонна Тюмень уобаластарыттан «Воин» киин курсаннарын хамаандалара кыттыахтара. Кинилэр бэйэлэрин эрэгийиэннэригэр сүүмэрдиир түһүмэх кыайыылаахтарынан буолбуттара.

Тэрээһин аһыллыыта балаҕан ыйын 15 күнүгэр буолуоҕа. Күрэхтэһиилэр балаҕан ыйын 16-19 күннэригэр ыытыллыахтара.