Путин 2026 сылтан “Оҕо кинигэтин каартата” бырагырааманы үлэлэтэр туһунан этиини көтөхтө

Арассыыйаҕа 2026 сылтан “Пушкинскай каарта” курдук “Оҕо кинигэтин каартата” бырагырааманы үлэлэтэр ирдэнэр. Ити туһунан дойду Бэрэсидьиэнэ Владимир Путин нуучча тылын өйүүр сэбиэт мунньаҕар этии көтөхпүт. Бу туһунан ТАСС суруйар. 

Оскуола үөрэнээччилэрэ түмэлгэ, тыйаатырга, киинэҕэ, быыстапкаҕа сылдьар “Пушкинскай каартаҕа” ханыылыы, 2026 сылтан “Оҕо кинигэтин каартата” бырагырааманы олоххо киллэрэргэ этии көтөҕөбүн. Бу курдук 3000 солк. суумалаах каартаны 3-6 диэри саастаах оҕолоох ыал ылыаҕа” – диэн Бэрэсидьиэн эппит.

Кини этэринэн, “Оҕо кинигэтин каартатын” көмөтүнэн атыылаһыллар кинигэни биллэр-көстөр эспиэртэр, литэрээтэрдэр, оҕо уйулҕаһыттара, оскуола иннинээҕи үөрэхтээһин исписэлиистэрэ уонна иитээччилэрэ сүүмэрдиэхтээхтэр. “Биир каарта кырата уон кинигэҕэ тиийэрин туһугар, бырагыраамаҕа кыттар таһаарааччылар сөптөөх сыананан сирдэтинэллэрэ наада” – диэн бэлиэтээбит. Бу туһунан ТАСС суруйар.