Хаартыска: Объясняем. РФ
Докумуоҥҥа этиллэринэн, электроннай бэбиэскэ гражданин тус кэбиниэтигэр «онно аналлаах информационнай ресурска, информационнай систиэмэҕэ» кэллэ даҕаны, илиигэ туттарыллыбытынан ааҕыллар диэн.
Ол туһунан ТАСС суруйар.
РФ Бэрэсидьиэнэ Владимир Путин байыаннай учуот биир кэлим реестрин тэрийэр сокуоҥҥа илии баттаата. Ол курдук, байыаннай эбээһинэстээхтэри электроннай бэбиэскэ көмөтүнэн сулууспаҕа ыҥырарга, ону таһынан, бэбиэскэ тутан баран, военкомакка кэлбэтэх гражданнарга сорох хааччахтааһыннары оҥорорго көҥүллүүр докумуон буолар. Бу сокуон ааспыт бээтинсэҕэ официальнай быраап порталыгар тахсыбыта.
Итини таһынан, бэбиэскэ тутан баран 20 күн иһигэр, туох да оруннаах биричиинэтэ суох военкомакка кэлбэтэх байыаннай эбээһинэстээх киһиэхэ быстах кэмҥэ хааччаҕын быһыы киирдэ. Ол курдук, кинилэр индивидуальнай предпринматель быһыытынан регистрацияланалларын, тырааныспары, атын даҕаны хамсаабат баайдарын регистрациялыылларын, тырааныспарынан сылдьыыларын, кирэдьиит ылыыларын бобуохтарын сөп.
Онуоха РФ субъектара бэйэлэрэ эбии дьаһаллары киллэрэр кыахтаналлар – өйөбүл араас дьаһалларын, төлөбүрдэри, чэпчэтиилэри хааччахтыахтарын сөп.
Ону тэҥэ байыаннай сулууспаҕа ыҥырыллыахтаах гражданнар бэбиэскэ тутан баран военкомакка тиийиэхтэригэр диэри Арассыыйаттан тас дойдуга тахсар кыахтара быһыллар.
Сокуон быһыытынан, байыаннай эбээһинэстээххэ бэбиэскэни суругунан уонна электроннай көрүҥүнэн ыытыахтара. Ону таһынан бэбиэскэ туһунан иһитиннэриини «Госуслугалар» порталыгар тус кэбиниэккэ ыытыахтара. Өскөтүн бэбиэскэ суругунан уонна электроннай көрүҥүнэн тиксэриллибэтэх да буоллаҕына, бэбиэскэ реестригэр угуллубут күнүттэн сэттэ күн буолан баран, илиигэ туттарыллыбыт курдук ааҕыллар.
Бүгүн, ахсынньы 25 күнүгэр, өрөспүүбүлүкэ хоту, соҕуруу өттүгэр кыралаан хаардыаҕа. Соҕуруулуу-илин хаар сөбүгэр түһүөҕэ. Киин,…
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…