Хаартыска: Мария Васильева, СИА.
Дойду бэрэсидьиэнэ Владимир Путин быһа эпиирин кэмигэр “Комсомольская правда” хаһыат суруналыыһа икки ыйытыыны биэрбититтэн, хайата даҕаны ыччаты, үүнэр көлүөнэни иитиигэ сыһыаннах.
“Билигин Донбааска баар байыаннай кэрэспэдьиэн Сережа Зенин көҕүлээһинин өйөөбүккэр махтанабын. Кини байыаннай эпэрээссийэ кыттааччыларын билиилэрин, уопуттарын, хорсун быһыыларын билигин ыччаты патриотическай тыыҥҥа иитэргэ, эйэлээх сыалга туһанарга этии киллэрбитэ. Манан сибээстээн, икки ыйытыылаахпын. Тоҕо устуоруйа биридимиэтигэр үөрэх саҥа кинигэтин оҥорор ирдэннэ? Устуоруйа бэйэтэ сайдан баран иһэр, хайдах, ханнык үөрэх кинигэтин толкуйдуурбут онно туох суолталааҕый, оруоллааҕый?”, — диэн ыйытта.
Маныаха дойду бэрэсидьиэнэ балачча толкуйдуу түһэн баран, бастакы ыйытыыга эргийэн кэллэ итиэннэ: “Воины выигрываются учителями”, — диэн хоруйдаата. Оҕону иитиигэ ордук төрөөбүт дойду туһугар байыаннай дьайыыга кыттыбыттар этиилэрэ улахан суолталааҕын ыйда.
“Мин Ленинградка юридическай бакылтыакка үөрэнэ сырыттахпына, Аҕа дойду Улуу сэриитин кыттыылаахтара преподавателлииллэрэ. Кинилэр этиилэригэр, хайдах тутталларыгар-хапталларыгар уратытык сыһыаннаһарбыт. Бу – саамай бастыҥ холобур. Онон уолаттар холобурдарын үүнэр көлүөнэни иитиигэ туһаныахпыт.
Учуобунньук туһунан эттэххэ, үөрэх кинигэтин 65 көрүҥэ (версия) баара. Үгүс үөрэх кинигэлэригэр арааһы бары суруйаллара, ол иһигэр, иккис фрону арыйыы туһунан кэпсэнэрэ. Ол гынан баран, Сталинград аннынааҕы кыргыһыы туһунан суоҕун кэриэтэ этэ. Бу сөптөөх дуо? Биһиэхэ тирэхтээх, судаарыстыбаннай көрүҥ (версия) баар буолуохтаах. Ол үөрэх кинигэтин ааҕар дьоҥҥо барыларыгар тиийиэхтээх. “Бүгүн оҕо – сарсын гражданин”, бу улахан суолталаах. Онон учуобунньук хайаан да ирдэнэрэ. Ыйытыылар да күөрэйэ сылдьыбыттара, кириитикэ да баара, бу – нуорма. Билим, педагогика түмсүүлэрэ, төрөппүттэр уопсастыбалара түмсэн толкуйдууллар, сайыннараллар. Бары үөрэх кинигэлэрэ ис дьиҥи кистээбэт, кырдьыктаах буолуохтаахтар, ким эрэ интэриэһин көрүө суохтаахтар”, — диэн эттэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…