Бэрэсидьиэн Владимир Путин анал байыаннай дьайыылар кыттыылаахтарыгар, Арассыыйа гвардиятын уонна полиция үлэһиттэригэр эбии социальнай көмө туһунан ыйаахха илии баттаата диэн РИА интернет-порталыгар бэчээттэннэ.
Ол курдук, Украинаҕа анал байыаннай дьайыыларга сылдьан өлбүт байыастар дьиэ кэргэттэригэр биэс мөлүйүөн солкуобайы төлүөхтэрэ. Итини сэргэ бу дьаһал туруоруллубут соруктары толоро сылдьан эчэйиини ылан эбэтэр ыалдьан байыаннай дьайыыттан босхолонон баран, сыл иһигэр өлбүт дьоҥҥо эмиэ туһаныллыа. Онтон бааһырбыт, эчэйбит эбэтэр контузияны ылбыт киһиэхэ үс мөлүйүөн солкуобай көрүллэр буолуо.
Ыйаахха чопчуламмытынан, үөһэ ыйыллыбыт төлөбүр атын социальнай босуобуйалартан уонна өйөбүллэртэн тутулуга суох оҥоһуллуо.
Итини таһынан, анал байыаннай дьайыылар буола турар сирдэригэр судаарыстыбаннай кыраныыссаны харабыллыырга көмөлөһө сылдьар байыаннай сулууспалаахтар, Росгвардия уонна полиция үлэһиттэрэ биэнсийэҕэ тахсалларыгар биир күн сулууспалара икки күнүнэн ааҕыллыа, онтон бааһырыыны, эчэйиини ылан эмтэммит кэмнэрэ «биир ый сулууспа –икки ый» формуланан ааҕыллыа.
Ыйаах баттаммыт күнүттэн күүһүгэр киириэ.
Аан дойдуга соҕотох Хомус түмэлин пуондатыгар араас дойду 1882 муусукаҕа үстүрүмүөннэрэ хараллан сыталлар. Итинтэн 1744-дэ…
Сииттэ нэһилиэгэр олохтоох култуура дьиэтин үлэһиттэрин көҕүлээһиннэринэн "Олоҥхо төрдө - олоххо" диэн алын кылаас оҕолоругар…
ИДьМ Саха сиринээҕи салаатын Дьокуускайдааҕы 4-с №-дээх отделын дьуһуурунай чааһыгар 65 саастаах учуутал үҥсүү суруйбут.…
Кэбээйи волонтердара түөрт сиргэ аадырыстаан баһыылка оҥордулар. Ол курдук байыаннай дьайыыга ыытарга анаан, бурдук ас…
Аллайыаха улууһун Чокуурдаах бөһүөлэгэр күн аайы араас тэрээһиннэр ыытыллаллар. Ааспыт Олоҥхо күнүн чэрчитинэн бэҕэһээ олохтоохтор…
Кэнники сылларга Саха сиригэр кыһыҥҥы тымныыларга массыына умайыыта элбиир буолла. Сотору-сотору иһитиннэрии тахсар. Үгүстүк массыыналар…