Хаартыска: Павел Бедняков, РИА «Новости»
Дойду Аҕа баһылыга Владимир Путин бүгүн Кириэмил Екатерининскай саалатыгар РАНХиГС судаарыстыбаннай салайыыга Үрдүкү оскуолатын выпускниктарын кытары көрүстэ.
Владимир Путин көрсүһүү саҕаланыытыгар үөрэҕи ситиһиилээхтик бүтэрбиттэринэн эҕэрдэлээн туран, туһааннаах үөрэх бырагыраамата 2017 сылтан үлэлиэҕиттэн, 50 кыттааччы номнуо эрэгийиэн салайааччылара буола үүммүттэрин туһунан бэлиэтээн эттэ. Маны таһынан выпускниктар Судаарыстыбаннай Дуумаҕа, Федерация Сэбиэтигэр, РФ Бэрэсидьиэнин уонна бырабыыталыстыбатын дьаһалтатыгар үлэлии сылдьаллар.
Көрсүһүүгэ «Арассыыйа лиидэрдэрэ» күрэх кыайыылааҕа, Дьокуускай куорат баһылыга Евгений Григорьев кытынна. Кини 2019 сыллаахха «Арассыыйа лиидэрдэрэ» күрэххэ кыттан кыайыылаах тахсыбытын туһунан уонна бу үөрэх бырагыраамата ураты суолтааҕын туһунан эттэ. «Дьокуускай куорат маастар-былаана оҥоһулунна. Биһиги ирбэт тоҥҥо турар саамай бастыҥ куорат буолуохтаахпыт. Маастар-былааммытын Максим Орешкиҥҥа билиһиннэрбиппит», — диэтэ. Онуоха Владимир Путин: «Дьокуускай ирбэт тоҥҥо турар бастыҥ куорат, маннык атын куорат суох. Итиэннэ Өлүөнэ муостатын хайаан да тутуохпут», — диэтэ.
https://rutube.ru/video/2bfa1503cca28777cb9a488d4bf7e008/?r=a
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…