Путин Ил Дархан Айсен Николаевы бочуоттаах грамотанан наҕараадалаата

Арассыыйа устуоруйа-култуурунай уонна айылҕа нэһилиэдийэлэрин харыстааһыҥҥа кылаатын, Нуучча географическай уопсастыбатын үлэтигэр көхтөөх кыттыытын иһин СӨ баһылыга, Нуучча географическай уопсастыбатын эрэгийиэннээҕи попечительскай сэбиэтин бэрэссэдээтэлэ Айсен Николаев РФ Бэрэсидьиэнин бочуоттаах грамотатынан наҕараадаланна.

Бу туһунан дьаһалга судаарыстыба баһылыга Владимир Путин илии баттаата.

Ил Дархан Арассыыйа Хотугулуу-Илиҥин уонна Арктикатын үөрэтиигэ систиэмэлээх өйөбүлүн, эрэгийиэннээҕи салаа тэрээһиннэригэр көмөтүн иһин судаарыстыбаннай наҕарааданы тутта.