Андрей Сорокин хаартыската, СИА.
Бэрэсидьиэн Владимир Путин Судаарыстыбаннай Дуумаҕа Арассыыйа Бырабыыталыстыбатын бэрэссэдээтэлин дуоһунаһыгар Михаил Мишустин кандидатуратын киллэрбитин туһунан, Судаарыстыбаннай Дуума спикерэ Вячеслав Володин тус телеграм-ханаалыгар иһитиннэрэр. Бу туһунан РГ суруйар.
Өскөтүн дьокутааттар бу этиини өйөөтөхтөрүнэ, дойду баһылыга премьер-миниистир ананыытын туһунан ыйаахха илии баттыан сөп. Ол кэнниттэн бэрэссэдээтэл Парламент алын палататыгар бэйэтин солбуйааччыларын уонна миниистирдэр хандьыдааттарын бигэргэтиигэ киллэриэҕэ.
Володин бэлиэтииринэн, сокуону таһаарар уонна ситэриилээх былаас бииргэ үлэлэһиитин саҥа түһүмэҕэ саҕаламмыт.
Судаарыстыбаннай Дуума спикерэ, парламент хандьыдааттары дьүүллэһэр кэмигэр бэрэсидьиэн туруорбут сорох соруктарын хайдах быһаарыллыахтарын туһунан ыйытыыга хоруйдары истиэхтэрин баҕаралларын бэлиэтиир. Бу, бастатан туран, демография бэлиитикэтин, дьон үтүө туругун тупсарыыны үрдэтиини, оҕолоох ыалы өйөөһүнү уонна ыччат бэлиитикэтин олоххо киллэриини, технологическай суверенитеты бөҕөргөтүүнү, экэниэмикэни уонна эрэгийиэннэри сайыннарыыны, дойду эргитэр кыаҕын үрдэтиини кытта сибээстээҕин ыйар.
Михаил Мишустин 1966 с. кулун тутар 3 күнүгэр Москваҕа төрөөбүтэ. 1989 с. Москватааҕы станкоинструментальнай институту “инженер-системотехник” квалификациялаах бүтэрбитэ. 2010 с. экэниэмикэ билимин дуоктарын диссертациятын көмүскээбитэ.
1992-1998 сс. Норуоттар икки ардыларынааҕы көмпүүтэр кулууптарыгар араас дуоһунастарга үлэлээбитэ. 1998 с. Арассыыйатааҕы судаарыстыбаннай нолуок сулууспатын салайааччытын солбуйааччытын дуоһунаһыгар судаарыстыбаннай сулууспаҕа көспүтэ. 2008 с. диэри нолуок уонна хомуур миниистирин солбуйааччытынан, Хамсаабат эбийиэктэр кадастрдарын уонна ураты экономическай зоналар управлениеларын федеральнай агенстволарыгар салайааччынан үлэлээбитэ.
2008-2010 сс. UFG хампаанньалар бөлөхтөрүн бэрэсидьиэнинэн олорбута, 2010 сылтан РФ федеральнай нолуок сулууспатын салайбыта. 2020 сыл тохсунньу 16 күнүттэн Бэрэсидьиэн ыйааҕынан Арассыыйа Бырабыыталыстыбатын бэрэссэдээтэлинэн анаммыта.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…