Хаартыска: Кириэмил саайтыттан
“Владимир Путины кытары сыл түмүгэ” бырагыраамаҕа бүгүҥҥү туругунан мөлүйүөнтэн тахса ыйытыы киирбит. Боппуруостары ахсынньы 19 күнүгэр быһа эпиир түмүктэниэр диэри ылаллар.
Тэрээһин Москва бириэмэтинэн күнүс 12 чааска (Дьокуускай бириэмэтинэн киэһэ 18 чааска) ыытыллыаҕа.
Үгэс быһыытынан нэһилиэнньэни кытары быһа эпиир пресс-кэмпириэнсийэни кытта холбуу буолар.
Ахсынньы 19 күнүгэр ыытыллар улахан тэрээһиҥҥэ Саха сирин суруналыыстара, ол иһигэр «Сахабэчээт» ГАУ «Индустрия Севера» хаһыатын кылаабынай эрэдээктэрэ Елена Проскурина уонна «Якутия24» телеханаал дириэктэрэ-кылаабынай эрэдээктэрэ Марианна Тарасова кыттыахтара.
Елена Проскурина этэринэн, кини Аҕа баһылыкка Саха сирин социальнай-экэнэмиичэскэй сайдыытын тула ыйытыыны биэрэр былааннаах.
Марианна Тарасова пресс-кэмпириэнсийэ туһунан:
-Саха сирин суруналыыстарын аатыттан судаарыстыба баһылыгын пресс-кэмпириэнсийэтигэр кыттар олус долгутуулаах. Бу киэҥ далааһыннаах тэрээһиҥҥэ кыттан, өскөтүн ыйытыыбын биэрдэхпинэ олус да дьоллонуом. Дьиҥэр, элбэх ыйытыыны биэриэхпин баҕарабын. Саамай ыарахана — ыйытыылары сүүмэрдээһин эбит. Ол гынан баран билигин чопчу ханнык ыйытыыны биэрэрбин бакаа эппэппин, — диэтэ.
Быһа эпиири “Россия 1”, “Первый канал”, “НТВ”, “Россия 24” ханааллар, ону таһынан “Маяк”, “Вести ФМ”, “Радио России радиолар көрдөрүөхтэрэ, иһитиннэриэхтэрэ. Бэйэҕит ыйытыыларгытын 8-800-200-40-40 төлөпүөнүнэн эрийэн эбэтэр 0-40-40 кылгас иһитиннэрии ыытан биэриэххитин сөп. Ону сэргэ “Москва-Путину.рф”, “Москва-Путину.ру” сайтка, “Одноклассники”, “ВКонтакте” социальнай ситимнэргэ эбэтэр сиэп төлөпүөнүгэр анал сыһыарыы хачайдаан боппуруостаргытын суруйуоххутун сөп.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…