Путин саха бырааһыгар «РФ Үтүөлээх бырааһа» бочуоттаах ааты иҥэрдэ

Өрөспүүбүлүкэтээҕи 2 №-дээх балыыһа травматолого-ортопедическэй отделениетын сэбиэдиссэйигэр Анатолий Комиссаровка РФ Бэрэсидьиэнэ Владимир Путин «Российскай Федерация Үтүөлээх бырааһа» бочуоттаах ааты иҥэрдэ.

Үрдүк категориялаах травмотолог-ортопед, мэдиссиинэ наукатын хандьыдаата Анатолий Комиссаров доруобуйа харыстабылыгар 39 сыл үлэлиир. Кини ХИФУ мэдиссиинискэй институтун хирургическай ыарыыларга уонна стоматологияҕа кафедратын доценынан буолар.