Путин Уһук Илиҥҥи ипотека 2%-наах ыстаапкатын 2030 сылга диэри оннунан хаалларарга соруйда

РФ Бэрэсидьиэнэ Владимир Путин Уһук Илиҥҥи уонна Арктикатааҕы ипотекалар 2%-наах ыстаапкаларын 2030 сылга диэри оннунан хаалларарга соруйда диэн Кремль саайтыгар суруйаллар.

«Уһук Илиҥҥи уонна Арктикатааҕы ипотекалар  2%-наах ыстаапкаларын 2030 сылга диэри оннунан хаалларары хааччыйарга», — диэн Илиҥҥи экэнэмиичэскэй пуорум пленарнай мунньаҕын түмүгэр ылыныллыбыт сорудахтар испииһэктэригэр суруллубут.

Уһук Илиҥҥи федеральнай уокурукка чэпчэтиилээх ипотеканы 35 саастарыгар диэри кэргэнниилэр, учууталлар, быраастар уонна сорох судаарыстыбаннай бырагыраамалар кыттыылаахтара ылыахтарын сөп.