Хаартыска: www.sakha.gov.ru
Арассыыйа бэрэсидьиэнэ Владимир Путин «Илиҥҥи экэнэмиичэскэй пуорум-2025» түмүгүнэн кэккэ сорудахтар испииһэктэрин бигэргэттэ.
Испииһэккэ сэдэх металлары хостооһуҥҥа дорожнай каартаны оҥоруу, “Уһук Илин уонна Арктика ипотеката” бырагыраама уларыйыыта, КНР уонна КНДР кыраныыссаларыгар тырааныспар сайдыыта, логистиката киирдилэр.
Дойду баһылыга ахсынньы 1 күнүгэр диэри “Уһук Илин уонна Арктика ипотеката” бырагырааманы 2024 сыл тохсунньутун кэнниттэн үһүс уонна онтон кэлэр оҕолоро төрөөбүт дьиэ кэргэҥҥэ көрөргө сорудахтаата. Ону тэҥэ, чэпчэтиилээх бырагыраамаҕа элбэх кыбартыыралаах дьиэ тутуллубат куораттарыгар эргэ дьиэлэр (вторичный рынок) хапсыахтара. Ипотеканы Уһук Илин федеральнай уокуругар уонна Арктика сирдэригэр судаарыстыбаннай эбэтэр муниципальнай үөрэх тэрилтэлэригэр үлэлиир үлэһиттэр ылар кыахтаахтар.
Итини тэҥэ, Владимир Путин 2026 сылга диэри Уһук Илин уокуругун сайдыытын стратегиятын оҥорон бигэргэтэллэригэр ыйда. Бырабыыталыстыба 2026 сыл атырдьах ыйыгар диэри киллэриэхтээх.
Онус экэнэмиичэскэй пуорум бу сыл балаҕан ыйын 3-6 күннэригэр Владивостокка буолан ааспыта. Балаҕан ыйын 5 күнүгэр Арассыыйа бэрэсидьиэнэ Владимир Путин ВЭФ сүрүн мунньаҕар кыттыбыта. Тыл этэригэр Уһук Илини уонна Арктиканы сайыннарыы былаанын, Кытайы кытта сыһыан туһунан кэпсээбитэ. Саха сирэ, Амур, Сахалин уобаластара Уһук Илиҥҥэ инвестициянан бастыҥ эрэгийиэннэр кэккэлэригэр сылдьаллар диэн бэлиэтээбитэ.
Бу туһунан Ил Дархан уонна Бырабыыталыстыба пресс-сулууспата суруйар.
Арассыыйаҕа чикунгунья лихорадка соччо куттала суох, тоҕо диэтэххэ, киһиттэн киһиэхэ буолбакка, бырдах нөҥүө бэриллэр, диэн…
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…