Хаартыска: "Пятница!" ханаал
Муус устар 30 күнүгэр сарсыарда 10 чаастан «Пятница!» ханаалга «Пробный переезд» диэн саҥа биэриигэ Саха сирин туһунан көрдөрүөхтэрэ. Биэриигэ Арассыыйа ханнык куоратыгар олорор үчүгэйин бэрэбиэркэлииллэр. Быйыл 2 сезону уста сылдьаллар.
Ыытааччылар Анфиса Черных уонна Антон Зайцев («Орел и решка» биэрии саҕаттан бааллар) дойду устун араас куораттары кэрийэ сылдьан, көһөн барарга, олорорго ханнык куорат ордугун быһаараллар — дьиэ-уот, ас-үөл сыанатын, үөрэх, үлэ хайдаҕын, хайдах сынньаныахха сөбүн, о.д.а.
Ыытааччылар Дьокуускай куорат олоҕун ис-иһиттэн билэр туһуттан, оптуобуһунан сырыттылар. Олорор дьиэ куортамныыллар, ханнык оройуоҥҥа олорор ордугун, дьиэни хайдах туталларын быһаараллар.
Анфиса үлэ көрдөнөр уонна ханнык идэ төһө хамнастааҕын быһаарар. Онтон «Саюри» тэпилииссэҕэ үлэҕэ киирэр уонна үлэ ымпыгын-чымпыгын көрдөрөр. Тымныыга тоҥмот курдук, хайдах таҥнары көрдөрүөҕэ, кэпсиэҕэ. Хомуска оонньуурга үөрэниэҕэ, алгыс сиэригэр-туомугар сылдьыаҕа.
Оттон Антон саха аһын-үөлүн амсайыаҕа, балыгы, эти хантан ылыахха сөбүн, ханнык эрэстэрээни туристар сөбүлүүллэрин, саамай хотугу цииркэҕэ хайдах үлэлииллэрин, муус скульптуралары хайдах оҥороллорун, тыа сиригэр олох хайдаҕын, хараабыллары муустан хайдах көйөн таһааралларын, о.д.а. көрдөрүөҕэ.
Биэриини уста быйыл сааһыары, арыый сылыйбытын кэннэ, кэлэ сылдьыбыттар.
Бэйэбит олохпутун туораттан көрөр олус интэриэһинэй буолуо. Онон бу биэриини көтүтүмэҥ!
Федор Кузьмич Попов 1921 сыл ахсынньы 8 күнүгэр Мэҥэ Хаҥалас улууһугар Иккис Баатара нэһилиэгэр Поповтар…
Дойду бэрэсидьиэнэ Владимир Путин Кыайыы параадын кэмигэр Арассыыйа аан дойду сэриитин таһаарбат туһугар үлэни ыытарын,…
Кыайыы диэн тыл сүрэҕи өрүкүппүт, эрэли үөскэппит, үтүөнү түстээбит бэлиэ тыл. Улуу Кыайыы күнүн көрсө…
Ыам ыйын 7 күнүгэр Саха Өрөспүүбүлүкэтин Үүнэр көлүөнэ тыйаатырыгар Арассыыйаҕа Дьиэ кэргэн, Саха Өрөспүүбүлүкэтигэр Оҕо…
Быйылгы дьыл ыам ыйын 8 күнүгэр Саха сиригэр бүттүүн спортивнай хамсааһыны саҕалаабыт, спорт үгүс көрүҥнэрин…
Улуу Кыайыы күнүгэр Саха сирин бырабыыталыстыбатын бэрэссэдээтэлэ Кирилл Бычков Аҕа дойду Улуу сэриитин бэтэрээннэригэр Алексей…
