Пётр Пестряков 3 марафон түмүгүнэн 70-74 саастаахтарга чөмпүйүөн үрдүк аатын сүктэ

Арассыыйатааҕы  «БРИКС» марафону сөбүлээн сүүрээччилэр лигалара 2025 сыл түмүгүнэн, 8 бастыҥ уһун тыыннаах сүүрүгү быһаарда. 

Нам улууһуттан Пётр Петрович Пестряков 3 марафон (Казань, Санкт-Петербург, Москва) түмүгүнэн, 70-74 саастаахтарга чөмпүйүөн үрдүк аатын сүкпүт, бу туһунан Нам улууһун пресс-сулууспата иһитиннэрдэ.
-Петр Пестряков «Стайер» сүүрүүнү сөбүлээччилэр кулууптарын саамай уопуттаах чилиэнэ, бары өттүнэн холобур буолар киһи. Билигин Дьокуускай куоракка олорор, эрчиллэр, «Дисплей-сервис» тэрилтэҕэ үлэлиир. Бэлиэтээн эттэххэ, Петр Петрович сахалартан бастакынан «БРИКС» лига чөмпүйүөнүн  аатын ылары ситистэ. Петр Петровиһи чаҕылхай ситиһиитинэн эҕэрдэлиибит, киэн туттабыт, — диэн  «Нам улууһа» МО пресс-сулууспатыгар иһитиннэрдилэр.