QR-кодтар эбийиэктэр хаачыстыбаларын тупсарарга көмөлөһөллөр

Арассыыйа Федерациятын бырабыыталыстыбатын быһаарыытынан, национальнай бырайыактар чэрчилэринэн тутуллар эбийиэктэргэ 2023 сылтан QR-кодтаах баннердар туруоруллаллар. Ол көмөтүнэн өрөспүүбүлүкэ олохтоохторо  ыытыллыбыт үлэ хаачыстыбатын туһунан иһитиннэриэхтэрин сөп.

Холобур, Бүлүү куорат олохтооҕо “Доруобуйа харыстабыла” национальнай бырайыак чэрчитинэн тутуллубут Бүлүү улууһун Оройуоннааҕы киин балыыһатын комплексыгар лиип алдьаммытыгар болҕомтотун уурбута.

Кини QR-коду туһанан иһитиннэрии ыыппытыгар СӨ Доруобуйа харыстабылын министиэристибэтэ суһаллык дьаһанан, үөскээбит кыһалҕаны туоратарга үлэни тэрийбитэ, Оройуоннааҕы балыыһа уонна «Стройлифтмонтаж» ХЭО икки ардыларыгар тиэхиньиичэскэй хааччыйыыга дуогабар түһэрсиллиннэ.