Салгыы
Раиса Алексеева-Адаайа: «Умнума төрөөбүт алааскын»

Раиса Алексеева-Адаайа: «Умнума төрөөбүт алааскын»

Ааптар:
20.10.2022, 17:12
Бөлөххө киир:
“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Куонкуруспут  20-с кыттааччыта Ньурба улууһа Чуукаарыттан  Алексеева Раиса Дмитриевна -Адаайа:

Умнума төрөөбүт алааскын

Уол оҕото, мохсоҕол

Умнума төрөөбүт алааскын.

Таптал тыынын иҥэринэн,

Таалалаан ааспыт дойдугун.

Харыстыыр дурда-хахха

Халыҥ аймах дьоҥҥун,

Кыайыыны-хотууну уһансар

Көмүс ньээкэ уйаҕын.

Күрэтимэ истиҥ иэйиини

Күндү ийэҥ мичээрин

Кымыс, үүт, сүөгэй быйаҥнаах

Кырыска үктэммит үөрүүгүн.

Сойутума тапталыҥ сылааһын

Тирэнэр бигэ тирэҕиҥ.

Тулууру,дьулууру туруктуур

Туллубат эрэлиҥ тутааҕын.

Сүтэримэ сүгэ сылдьар

Сытыы өйүҥ холбукатын,

Кырыктаах кыргыһы утарсан

Куоттарар күүстээх эрэлгин.

Саалаахтан самным, охтоохтон охтума

Саха дэтэр албан  ааккын.

Суолдьут сулустуу сандааран

Сырдаттын төрөөбүт алааскар тапталыҥ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 24°C
  • Ощущается: 24°Влажность: 69% Скорость ветра: 3 м/с

Сообщить об опечатке

Текст, который будет отправлен нашим редакторам: