Расиль Халиуллин: «Баһаары утары бары дьаһаллар ылыллан, сөптөөх үлэ барар»
Саха сирин үрдүнэн баһаар сезона саҕаланыаҕыттан 600-н тахса ойуур баһаара, биир ураты харыстанар сиргэ, 37 айылҕа баһаара турбута бэлиэтэммитэ.
Бүгүҥҥү туругунан 501 тыһыынча га иэннээх сиргэ 140 ойуур уонна 9 тыһыынча га сиргэ 1 хонуу баһаара баара биллэр. Алдан улууһугар Кутана сэлиэнньэтин чугаһыгар тахсыбыт баһаар туһунан Алдан оройуонун баһылыгын бастакы солбуйааччыта Расиль Халиуллин кэпсиир:
— Бүгүҥҥү туругунан тахсыбыт баһаар Алдан улууһун Кутана сэлиэнньэтиттэн 3 км сиргэ баар. Бэҕэһээ баһаары умуруорууга амфибия Би-200 сөмөлүөт үлэлээбитэ. Бүгүн баһаары утары 42, ол иһигэр 29 олохтоох киһи охсуһа сылдьар. Эбии көмөҕө Дьокуускай куораттан уон киһилээх суһал бөлөҕө кэлэрин күүтэбит. Билиҥҥитэ баһаары утары уот ыытылынна, ону «Якутлесресурс» уопуттаах исписэлииһэ Кирилл Чикачев салайар. Баһаары утары бары дьаһаллар ылыллан, сөптөөх үлэ барар, балаһыанньа хонтуруолга сылдьар.
Сообщить об опечатке
Текст, который будет отправлен нашим редакторам: