Салгыы
Рассадин уонна Лазарев Олимпийскай оонньууларга путевкаҕа тигистилэр

Рассадин уонна Лазарев Олимпийскай оонньууларга путевкаҕа тигистилэр

Ааптар:
12.05.2024, 08:50
Хаартыска: «Спорт Якутии» саайтан
Бөлөххө киир:

Стамбулга Париж куоракка ыытыллар Олимпийскай оонньууларга путевка иһин тустууга бүтэһик квалификационнай турнир ыытыллар.

Көҥүл тустууга саха оскуолатын иитиллээччилэрэ Виктор Рассадин (74 кг, Таджикистан) уонна Айаал Лазарев (125 кг, Кыргызстан) финалга тахсан, Париж куоракка ыытыллар Олимпийскай оонньууларга путевка ылары ситистилэр.

Хаартыска: «Спорт Якутии» саайтан

Рассадин полуфиналга 2020 уонна 2023 сылларга Арассыыйа икки төгүллээх чөмпүйүөнэ, Ярыгин турнир кыайыылааҕа Чермен Валиевы 3:2 ахсаанынан кыайда. Бу сылтан осетин тустууга Албания аатыттан кыттар.

Хаартыска: «Спорт Якутии» саайтан

Виктор финал чиэппэригэр украинец Вадим Цурканы 2:0 ахсаанынан кыайбыта. Бастакы киирсиигэ Рассадин Азия икки төгүллээх чөмпүйүөнэ уонна аан дойду вице-чөмпүйүөнэ, Казахстаан бөҕөһө Нуркожи Кайпановы (4:1) кыайбыта.

Хаартыска: «Спорт Якутии» саайтан

Оттон Айаал Лазарев 10:0 ахсаанынан Аарон Джонсоны (Ямайка), Хасанбо Рахимовы (Узбекистан) кыайан, полуфиналга Европа чөмпүйэнээтин биэс төгүллээх призерун Даниэл Лигети (Венгрия) 12:2 ахсаанынан кыайбыта.

Санатан эттэххэ, Рассадин уонна Лазарев иннинэ Париж куоракка ыытыллар Олимпийскай оонньууларга путевканы Арыйаан Тютрин (Беларусь) уонна Георгий Окороков (Австралия) ылары ситиспиттэрэ. Онон быйыл Париж куоракка ыытыллар Олимпийскай оонньууларга көбүөргэ түөрт саха тустууктара тахсыахтара.

+1
3
+1
0
+1
0
+1
0
+1
0
+1
0
+1
0
Бары сонуннар
Салгыы
22 июня
  • 14°C
  • Ощущается: 13°Влажность: 77% Скорость ветра: 0 м/с

Сообщить об опечатке

Текст, который будет отправлен нашим редакторам: