Хаартыска: «Спорт Якутии» саайтан
Стамбулга Париж куоракка ыытыллар Олимпийскай оонньууларга путевка иһин тустууга бүтэһик квалификационнай турнир ыытыллар.
Көҥүл тустууга саха оскуолатын иитиллээччилэрэ Виктор Рассадин (74 кг, Таджикистан) уонна Айаал Лазарев (125 кг, Кыргызстан) финалга тахсан, Париж куоракка ыытыллар Олимпийскай оонньууларга путевка ылары ситистилэр.
Рассадин полуфиналга 2020 уонна 2023 сылларга Арассыыйа икки төгүллээх чөмпүйүөнэ, Ярыгин турнир кыайыылааҕа Чермен Валиевы 3:2 ахсаанынан кыайда. Бу сылтан осетин тустууга Албания аатыттан кыттар.
Виктор финал чиэппэригэр украинец Вадим Цурканы 2:0 ахсаанынан кыайбыта. Бастакы киирсиигэ Рассадин Азия икки төгүллээх чөмпүйүөнэ уонна аан дойду вице-чөмпүйүөнэ, Казахстаан бөҕөһө Нуркожи Кайпановы (4:1) кыайбыта.
Оттон Айаал Лазарев 10:0 ахсаанынан Аарон Джонсоны (Ямайка), Хасанбо Рахимовы (Узбекистан) кыайан, полуфиналга Европа чөмпүйэнээтин биэс төгүллээх призерун Даниэл Лигети (Венгрия) 12:2 ахсаанынан кыайбыта.
Санатан эттэххэ, Рассадин уонна Лазарев иннинэ Париж куоракка ыытыллар Олимпийскай оонньууларга путевканы Арыйаан Тютрин (Беларусь) уонна Георгий Окороков (Австралия) ылары ситиспиттэрэ. Онон быйыл Париж куоракка ыытыллар Олимпийскай оонньууларга көбүөргэ түөрт саха тустууктара тахсыахтара.
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…
Бүгүн, ахсынньы 30 күнүгэр, Саха сирин сорох улуустарыгар -23 кыраадыс буолара күүтүллэр диэн УГМС иһитиннэрэр.…