@novostisportanrb
А.И.Пахомов аатын үйэтитиигэ «Раунды достойной жизни» испэктээк премьерата Ньурба театрыгар дьон-сэргэ биһирэбилин ылыан ылла.
Бэҕэһээ, балаҕан ыйын 14 күнүгэр, киэн туттар биир дойдулаахпыт, улуу тренер, дойдубутун аан дойду таһымыгар ааттаппыт Артур Иннокентьевич Пахомов аатынан боксаҕа 2008-2009 с.т. уолаттарга норуоттар икки ардыларынааҕы күрэх түмүктүүр күнүгэр, Ньурбатааҕы драматическай театр сыанатыгар Артур Иннокентьевич Пахомов аатын үйэтитиигэ «Раунды достойной жизни» испэктээк премьерата буолла.
Испэктээк туруорааччы режиссера — Алгыс Макаров-Сиэн Мөрөс, сценарист — Нюргуяна Матвеева.
Сүрүн оруолу — Артур Иннокентьевич оруолун Антоновкаттан төрүттээх, Артур Иннокентьевич иитиллээччитэ, Ньурбатааҕы драмтеатр артыыһа Артур Евсеев толордо. Сааһынан наардаан олоҕун кэрдиис кэмнэринэн театр артыыстара сүрдээх үчүгэйдик Артур Иннокентьевич олоҕун көрдөрдүлэр.
Барыллаан көрдөрүү муус устар 27 күнүгэр ыытыллыбытыттан бу премьера ситэн-хотон олох атын тыыннаммытын долгуйан туран А.И.Пахомов бииргэ төрөөбүттэрэ Тимур Иннокентьевич, Изамира Иннокентьевна иһитиннэрдилэр уонна театр коллективыгар, артыыстарга бэлэх, махтал сурук туттардылар. Бу испэктээккэ көстөр Артур Иннокентьевиһы бокса, спорт эйгэтигэр сирдээбит убайа Нестер Пахомов кэргэнэ Анна Егоровна махтанан туран бэлэхтэри туттартаата.
Маны сэргэ, Артур Иннокентьевич төрөөбүт-үөскээбит Октябрьскай нэһилиэгин дьаһалтатын баһылыга С.А. Корякин, «Түһүлгэ» норуот айымньытын дьиэтин директора М.П.Захарова, улуустааҕы култуура департаменын салайааччыта Р.М. Тихонова аатыттан махтал суруктары туттартаатылар
Спорт эйгэтигэр Ньурбабыт театрыгар бу испэктээк маҥнайгы туруоруу буолар.
«Бу туруоруллубут үлэ Ньурбабыт улууһугар ыытыллар СӨ норуоттарын оонньуутугар 2027 сылга биир улахан бэлэм үлэ буолуо» — диэн Ньурбатааҕы драматическай театр салайааччыта Николай Никитин санаатын эттэ.
Бу курдук, көрөөччүлэр дохсун ытыс тыастарын доҕуһуолунан, дьон-сэргэ биһирэбилин ылан, спорт эйгэтигэр бастакы испэктээк күн сирин көрөн, Ньурбабыт дьонугар-сэргэтигэр театр 59-с сезонун арыйар үөрүүлээх күнүгэр биир улахан бэлэх буолла.
Ньурбатааҕы спорт управление пресс-киинэ
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…