Арассыыйа Уһук Илини сайыннарыыга министиэристибэтэ уонна Уһук Илин уонна Арктика сайдыыларын корпорацията “Уһук Илин быыстапката” быыстапкаҕа “Развиваем Дальний” павильону көрдөрүөхтэрэ. Бу тэрээһин Уһук Илин экэниэмикэтин пуорумугар балаҕан ыйын 3-8 күннэригэр ыытыллыаҕа.
Пуорум ыалдьыттара уонна Владивосток олохтоохторо Арассыыйа улахан эрэгийиэнин туһунан сиһилии билиэхтэрэ уонна интерактивнай айаҥҥа турунуохтара. “Айанныахха”, “Үөрэниэххэ”, “Үлэлиэххэ”, “Олоруохха” мультимедийнэй экспозициялар Уһук Илин куораттарын сайдыыларын кэпсиэхтэрэ.
Хас биирдии зона мультимедийнэй тэриллээх, тиэкистээх уонна видеоконтеннаах буолуоҕа. “Айанныахха” зонаҕа VR-тэрил көмөтүнэн 360 форматынан камераларга уһуллубут бу дойду кэрэтин көрүөхтэрэ, ону тэҥэ “Уһук Илин – мүлчүргэннээх айан сирэ” Бүтүн Арассыыйатааҕы куонкурус кыттылаахтарын күннүктэрин билсиэхтэрэ.
Нейросеть тиһигэ бу дойдуга наадалаах идэлэри билиһиннэриэҕэ.
Уһук Илин куораттара кэлэр өттүгэр хайдах буолуохтарын “панорама” графическай анимирование көрдөрүөҕэ. Киэҥ хабааннаах роликтары павильон экраныгар көрүөххэ сөп.
“Развиваем Дальний” экспозиция кыттыылаахтара “Уһук Илиҥҥи гектарга” оҥоһуллан тахсыбыт бородууксуйаны амсайыахтара. Резиденнэр бородуукталара эмиэ көрдөрүллүөҕэ.
Манна Уһук Илиҥҥи федеральнай уокурукка урбаанньыттары өйүүр ньымалары билсэр кыахтаныахтара. Бу дьон олоҕун уйгутун үрдэтиигэ туһуламмыт сорудаҕы Арассыыйа Бэрэсидьиэнэ Владимир Путин биэрбитэ. Арассыыйа Федерациятын Бырабыыталыстыбатын Бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев бэлиэтээбитинэн, 2013 сылга Арассыыйа Бэрэсидьиэнэ Уһук Илин сайдыытын 21 үйэ национальнай бырайыагынан биллэрбитэ.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…