Редколлегия: суруналыыстар Анал этиини ырыттылар

Бары билэрбит курдук, соторутааҕыта Ил Дархан Айсен Николаев Ил Түмэн дьокутааттарыгар уонна Саха сирин ытык-мааны олохтоохторугар Анал этиитин оҥорбута.

Чуолаан ааһан эрэ сылга өрөспүүбүлүкэ үрдүнэн сүрүн хайысхаларынан туох ситиһиллибитин туһунан кэпсээбитэ. 2019 сыл Сомоҕолоһуу сылынан биллэриллибит буоллаҕына, онтон кэлэр 2020 сыл – Патриотизм, 2021 сыл – Доруобуйа, 2022 сыл Ийэ сылынан биллэриллибиттэрэ. Айсен Николаев 2023 сылы Үлэ сылынан биллэрбитин Саха сирин олохтоохторо олус биһирээбиттэр, үөрбүттэрэ.

«РИИХСахамедиа» АУо «Редколлегия» диэн анал биэриитигэр биллэр-көстөр суруналыыстар, эспиэрдэр Анал этиини сиһилии ырыттылар. Кэпсэтиини политолог, суруналыыс Чокуур Гаврильев иилээн-саҕалаан ыытта.