Референдум түмүгэ таҕыста

Референдум түмүгэ таҕыста

28.09.2022, 09:17
Бөлөххө киир:

Донецкай уонна Луганскай Народнай Өрөспүүбүлүкэлэр, Херсон, Запорожье уобаластарын олохтоохторо Арассыыйа састаабыгар киириэхтэрин баҕаралларын референдумунан бигэргэттилэр. Куоластааһын түмүгэ таҕыста.

Санатан эттэххэ, референдум балаҕан ыйын 23-27 күннэригэр ыытыллыбыта. Донецкай уонна Луганскай Народнай Өрөспүүбүлүкэлэр Арассыыйа састаабыгар киирэллэрин туһунан куоластаатылар, оттон Херсон уонна Запорожье уобаластара Украинаттан арахсан, Арассыыйа састаабыгар киирэбит диэн референдумҥа хоруйдаатылар. Саха сиригэр Дьокуускайга, Мирнэйгэ, Нерюнгрига 8 учаастак арыллыбыта.

Боротокуоллары сүүс бырыһыан ааҕыы түмүгүнэн, ДНӨ олохтоохторо – 99,23 %, ЛНӨ – 98,42 %, Запорожье – 93,11 %, Херсон – 87,05 % куоластаан Арассыыйа састаабыгар туспа эрэгийиэн быһыытынан киирэбит диэн бэйэлэрин санааларын биллэрдилэр.

Олохтоохтор куоластааһыҥҥа кыттыылара көхтөөх. Донбаастар 97,51, луганскайдар 92,6 бырыһыаннара референдумҥа кыттыбыттар. Запорожье олохтоохторо – 85,4, Херсон – 76,86 бырыһыаннара куоластаабыттар.

Холбоһуктаах Нациялар Түмсүүлэригэр РФ бастайааннай бэрэстэбиитэлэ Василий Небензя:

– Арҕааҥҥы “партнердарбыт” биһиги төһө да истимиэхтэрин баҕарбаттарын үрдүнэн, этэбин: референдумнар бары дьэҥкэтик уонна куоластааһын бары быраабылаларын тутуһан ыытылыннылар, – диэн иһитиннэрдэ.

Аҕыйах хонугунан бу түөрт эрэгийиэн салалтата референдум түмүгүнэн бэлэмнээбит докумуоннарын РФ бэрэсидьиэнигэр Владимир Путиҥҥа туттарыахтара.

Лента
Салгыы
9 декабря
  • -37°C
  • Ощущается: -44°Влажность: 66% Скорость ветра: 3 м/с