Рекорд күнэ: Ямалга сүүнэ элбэх кыһыллыбыт балыгы уонна эти бэлэмнээтилэр

Ямалга биир күн икки гастрономическай рекорду олохтоотулар.

Табаһыттар күннэригэр Тазовскай уонна Приуральскай оройуоннарга элбэх кыһыллыбыт тоҥ эти уонна балыгы бэлэмнээн саҥа рекордтары бэлиэтээтилэр.

Ямало-Ненецкэй аптаныамыйалаах уокурук Аксарка сэлиэнньэтигэр сүүрбэ маастар таба этиттэн 154 киилэ тоҥ кыһыллыбыт таба этин бэлэмнээтилэр диэн «Ямал-Медиа» суруйар. Рекорду Арассыыйа рекордун кинигэтин кылаабынай эрэдээктэрэ Станислав Коненко бэлиэтээтэ.

Оттон Тазовскай бөһүөлэккэ аан дойду рекордун олохтуурга кииристилэр. Түмүгэр «Биир бүлүүдэҕэ саамай элбэх кыһыллыбыт тоҥ балыга» номинация рекорда бэлиэтэннэ. Повардар 40 мүнүүтэ иһигэр 138,4 киилэ тоҥ балыгы кыһан бэлэмнээтилэр. Саамай элбэх кыһыллыбыт тоҥ балыгы 3,5 миэтэрэ диаметрдаах муус бүлүүдэҕэ уурдулар. Рекорду Аан дойдутааҕы «Интеррекорд» ааҕыныстыбата уонна Арассыыйа рекордун реестрин арбитра Юрий Черных бэлиэтээтэ.

Санаттахха, Табаһыттар күннэрин бырааһынньыктааҕы норуот күүлэйэ кулун тутар 30-31 күннэригэр ыытыллар. Бырааһынньык ыалдьыттарыгар аралдьытар бырагыраама иһинэн хоту дойду куухуньатын аһын амсаталар.