«РеноДиал» эмтэнээччилэрин ортолоругар боулиҥҥа бастакы турнир

От ыйын 6 күнүгэр «РеноДиал» диализ киинин эмтэнээччилэрин ортолоругар боулиҥҥа бастакы турнир буолла. Турнирга үс хамаанда: «Хорсун», «Дьулуур» уонна «Сулустар» кытыннылар.

Оонньуу кэмигэр көрдөөх-нардаах, доҕордуу эйгэ үөскээтэ. Ким эрэ тута ситиһиилээхтик оонньоото, ким эрэ боулинныы аан бастаан кэлбит. Кыттааччылар тохтобул кэмигэр минньигэстик аһаатылар, чэй истилэр. Сынньанан уонна күүс-уох ылынан баран, салгыы оонньоотулар. Оонньуу киирсиилээх буолла, бары да муҥутуур элбэх баалы ылыахтарын баҕардылар.

Санатан эттэххэ, успуорт маннык көрүҥнэрэ мэлдьи да дьону сомоҕолууллар уонна үчүгэй настарыанньаны мэктиэлииллэр.

Күрэхтэһии түмүгэр «РеноДиал» салалтата кыайыылаахтары биллэрдэ, бааллары ааҕан абсолютнай чөмпүйүөнү быһаарда.

Бастакы бочуоттаах миэстэни -– «Дьулуур», иккиһи -– «Хорсун», үсүһү «Сулус» хамаандалар ыллылар. Кыайыылааҕынан 242 бааллаах Сарыал Игнатьев буолла. Наҕараадалааһын кэнниттэн кыттааччылар «РеноДиал» салалтатыгар махталларын биллэрдилэр уонна турнир сыл аайы ыытылларыгар баҕа санааларын тириэртилэр.