Сарсыардаттан тохтоло суох хаар түһэр. Мин сэттэ чаас иннинэ Мархаҕа баар өрөспүүбүлүкэтээҕи Кадетскай оскуолаҕа айаммын туттум. Аҕыс чаастан саҕаланыахтаах «Разговоры о главном» диэн кылаас чааһыгар хойутуо суохтаахпын. Суол барыта муус килэгир. Кэбис, маннык туругунан Мархаҕа быйыл тиийбэппин диэн үлэбиттэн такси ыҥыран салгыы айаннаатым.
Кыл мүччү аҕыс иннинэ Кадетскай оскуола олбуорун ааныгар баар буоллум. Шлагбаум хаҥас өттүгэр КПП пуоһуттан көҥүл ылан киэҥ нэлэмэн олбуорга киирдим. Олбуорга киирдэххэ, хас да уһун биирдии этээстээх дьиэлэр, “Авангард” диэн сурук аттыгар хас да тааҥка кэккэлэспит. Олбуор ортотугар икки этээстээх от күөҕэ улахан дьиэ дьэндэйбит. Ол кэннигэр аарка быһыылаах улахан дьиэ турар. Бүтүн өрөспүүбүлүкэ араас муннугуттан манна байыаннай оскуолаҕа үөрэнэ кэлэллэр. Онон аһыыр, олорор, үөрэнэр сирдэрэ барыта араас-араас куорпустарга баар эбит дии саныы-саныы икки этээстээх күөх дьиэҕэ чугаһаатым.
Арай көрбүтүм, ол дьиэ кирилиэһин анныгар халыҥ байыаннай сонноох уолаттар саҥа хаарга оонньуу, мэниктии сылдьаллар эбит. Бу кинилэр сарсыардааҥҥы аһылык кэнниттэн үөрэнэ баран иһэллэр эбит. Миигин көрөн бэрт сэргэхтик дорооболостулар. Сорохтор чиэс биэрэн: “Здравия желаю…” дэстилэр. Мин түгэнинэн туһанан уолаттары хаартыскаҕа түһэрэн аастым.
Оскуола дьаһалтатын сүрүн куорпуһугар киирэн иһэн хараҕым өйдөбүнньүк истиэндээҕэ хатанна. Бу истиэндэни байыаннай эпэрээссийэ кэмигэр олоҕун толук уурбут полиция сержана, Росгвардия үлэһитэ Александр Гундарев сырдык кэриэһигэр туруорбуттара…
Репортаһы сиһилии «Саха сирэ» хаһыат алтынньы 13 күнүнээҕи нүөмэригэр ааҕыҥ.
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…