Хаартыска: Доруобуйа харыстабылын министиэристибэтэ
Уус Маайа улууһун 450 олохтооҕо репродуктивнай доруобуйаны быһаарар диспансеризацияҕа кытынна.
Санатан эттэххэ, 18-49 саастаах дьон репродуктивнай доруобуйатын сыаналыыр, быһаарар диспансеризация Арассыыйаҕа 2024 сылтан саҕаламмыта. Диспансеризация бу көрүҥүн сүрүн уратытынан оҕо үөскүүрүгэр, оҕо төрөтөргө куһаҕаннык дьайыан сөптөөх патологияны эрдэ быһаарыы буолар.
Уус Маайаҕа ааспыт сыл балаҕан ыйыттан саҕаламмыт диспансеризацияҕа быраастар, гинекологтар, урологтар, хирурдар үлэлииллэр. Кинилэр диспансеризация ыытыллыан иннинэ уонна миэстэтигэр буола турдаҕына араас социальнай ситимнэринэн, “Усть-Майский вестник” хаһыатынан, Оройуоннааҕы балыыһа поликлиникатын иһитиннэрэр-көрдөрөр экранынан сырдатар үлэни көхтөөхтүк ыыталлар. Нэһилиэнньэҕэ төлөпүөнүнэн быһаччы эрийэн тиийии эмиэ көмөлөөҕө көһүннэ.
Диспансеризация икки түһүмэҕинэн ыытыллар. Бастакы түһүмэххэ дьахталлар акушер-гинекологка, эр дьон урологка эбэтэр хирурга көрдөрөллөр. Анаалыстары, ол иһигэр эр киһи уонна дьахтар бииргэ буолууларыгар бэриллиэн сөптөөх сыстыганнаах ыарыыларга мазок, ылаллар. Анаалыс түмүгүнэн туох эмэ уларыйыы баар буоллаҕына, кинини диспансеризация иккис түһүмэҕэр, эбии чинчийиигэ ыыталлар (дьахталлары таас уҥуоҕун уорганнарын эбэтэр эмиий УЗИ-гар, эр самах былчархайын УЗИ-гар уо.д.а.).
-Репродуктивнай доруобуйаны быһаарар аналлаах ааспыт сылтан ыытыллыбыт диспансеризация түмүгүнэн, туох да сибикитэ суох, баарын биллэрбэккэ сылдьыбыт ыарыылар булуллар кыахтаннылар. Уопсайынан, маннык диспансеризация репродуктивнай доруобуйаҕа баар кыһалҕалары эрдэ уонна кэмигэр туоратарга көмөлөөх, — диэн Уус Маайа улууһун Оройуоннааҕы киин балыыһатын кылаабынай бырааһын солбуйааччы э.т. Константин Демиденко иһитиннэрдэ.
(Доруобуйа харыстабылын министиэристибэтин матырыйаалынан)
Алтынньы 14 күнүгэр киэһэ 22 ч. саҕана ИДьМ Алданнааҕы салаатын дьуһуурунай чааһыгар "Лена" федеральнай суолга…
2026 сылга оҕолорго уонна оҕо күүтэр дьахталларга бэриллэр биир кэлим төлөбүр кээмэйэ 6% эбиллэн, 18371…
Федерация Сэбиэтин эрэгийиэн бэлиитикэтигэр, олохтоох бэйэни салайыныыга уонна Хотугу сир дьыалаларыгар кэмитиэтин чилиэнэ Сахамин Афанасьев …
2025 сыл олунньу ыйыгар 24 саастаах Сунтаар улууһуттан төрүттээх кыыс куйаар ситимин нөҥүө кэпсэтэн, тэрээһиннээх…
«Саханефтегазсбыт» АУо филиалларыгар — Аллараа Бэстээххэ, Дьокуускайга уонна Аллараа Халымаҕа баар нефтебазаларга үрдүкү кылаас оҕолоругар …
Савва Константинович туһунан олус элбэҕи кэпсиэххэ сөп. Кинини кытта биир кэмҥэ үлэлээбит дьон сыллата аҕыйаан…