«Республика Кино» кылгас кээмэйдээх киинэ куонкуруһугар кыттарга ыҥыраллар

СӨ Култуураҕа уонна духуобунай сайдыыга министиэристибэтэ «Сахафильм» киинэ хампаанньатын кытта сыллата ыытар кылгас кээмэйдээх киинэни устууга «Республика Кино» диэн куонкуруһу саҕалаатылар. Кыттыан баҕалаахтартан сайаапкалары сэтинньи 20 күнүгэр диэри туталлар. Бэстибээл ахсынньы 15-17 күннэригэр буолуоҕа.

Куонкурус саҥа ааттары арыйар, бастыҥ үлэлэри булар сыаллаах ыытыллар. Манна идэтийбит таһымнаахтар уонна саҥа саҕалааччылар кыттыахтарын сөп.

Үлэлэри түөрт хайысханан сыаналыахтара:

— уус-уран;

— документальнай;

— анимационнай;

— музыкальнай.

Киинэ кээмэйэ 5-45 мүнүүтэ буолуохтаах. Бастыҥнар ааттарын испииһэгэ сэтинньи 20 күнүн кэнниттэн «Сахафильм» саайтыгар тахсыаҕа.

Сиһилии «Сахафильм» саайтыгар уонна социальнай ситимнэригэр ааҕыҥ:

Саайт: https://sakhafilm.ru
Телеграм-ханаал: https://t.me/sakhafilm_ykt
Вконтакте: https://vk.com/sakhafilm_ykt
YouTube ханаал: https://www.youtube.com/channel/UC3DGmZPxoy6fyj6W0deBEnA
Электроннай аадырыс: Respublika.kino@yandex.ru