Хаартыска: СИА.
Сэтинньи 26 күнүттэн ахсынньы 15 күнүгэр диэри Меркурий планета «төттөрү» барыыта саҕаланар. Ол ону «ретрограднай Меркурий» диэн ааттыыллар. Бу көстүү дьоҥҥо хайдах дьайарый?
Астрологияҕа «ретрограднай Меркурий» көстүүтэ диэн — ол аата бу планета төттөрү, кэннинэн барыыта ааттанар. Дьиҥинэн, халлаан эттигэ, бүтүн планета иннин диэки баран иһэн, тохтоон баран, төттөрү барбат буоллаҕа. Ол эрээри, бу кэмҥэ Сиртэн көрдөххө, чахчы төттөрү баран иһэр курдук көстөр, ол эбэтэр, харах баайыыта (оптическая иллюзия) буолар. Холобур, икки түргэн айаннаах пуойастар утарыта көрсүһэн, хардарыта ааһыстахтарына, биирэ тохтоон турар, төттөрү барар курдук көстөр.
Меркурий бэйэтин орбитатынан Сирдээҕэр түргэнник, Күнү 88 хонук иһигэр эргийэр. Саамай түргэн, саамай кыра, Күнтэн саамай чугас уонна итии планета буолар. Меркурий сылга үстэ-түөртэ «төттөрү» барар, бу кэм үс нэдиэлэ кэриҥэ буолар. Ол эбэтэр, Сиргэ чугаһыыр, хардарыта аасыһар кэмигэр, бытаарар, төттөрү барар курдук көстөр.
2024 сылга 2023 сыл ахсынньытын 16 күнүттэн тохсунньу 2 күнүгэр диэри, муус устар 1-25 күннэригэр, атырдьах ыйын 5-28 күннэригэр, сэтинньи 26 күнүттэн ахсынньы 15 күнүгэр диэри буолбута.
Аны Меркурий эрэ буолбатах эбит. Ахсынньы 6 күнүттэн олунньу 27 күнүгэр диэри аны Марс планета «төттөрү» барыахтаах. Балаҕан ыйыттан тохсунньу 30 күнүгэр диэри Уран планета «төттөрү» айаннаан иһэр. Алтынньы 9 күнүттэн олунньу 4 күнүгэр диэри Юпитер планета эмиэ «ретрограднай». Онон бу биир кэмҥэ 4 планета «төттөрү» айанныыр курдуктар эбит, онон Сиргэ дьайыылара күүстээх буолар.
Бу кэмҥэ араас быһылааннар, саахаллар, алдьаныылар буолаллар диэн астрологтар этэллэр. Онон араас тиэхиньикэни атыылаһымаҥ (алдьаныан сөп), суолталаах докумуоннарга илии баттаамаҥ (кыһалҕаны үөскэтиэн сөп), саҥа бырайыактары саҕалаамаҥ (табыллымыахтарын сөп), үлэҕитин уларытымаҥ (алҕаһыаххытын сөп), ыраах айаннаамаҥ (саахал тахсыан сөп), улахан быһаарыныылары ылынымаҥ, о.д.а. диэн сүбэлииллэр.
Бу кэмҥэ уоскуйан, санаалыын бэрээдэктэнэн, бэйэни иһиллэнэн, чуумпуран сылдьыбыт ордук үһү. Сыыһалары көннөрөр, ыраастанар, сааһыланар, инники олоҕу ыраланар, былаанныыр кэм.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".