Ульяна Захарова хаартыскаҕа түһэриитэ.
Бэҕэһээ, олунньу 28 күнүгэр, Дьокуускайга П.А.Ойуунускай аатынан Cаха академическай тыйаатырыгар Хатастааҕы норуодунай тыйаатыр Н.В.Гоголь «Ревизор» айымньытынан испэктээкили көрдөрдө. Тыйаатыр фойетыгар Н.В.Гоголь «Ревизор» айымньытыгар анаммыт ураты быыстапка турда.
Ол курдук, Анатолий Хохолов диэн Марха олохтооҕо тус кэллиэксийэтин аҕалан туруорбут. Кини идэтинэн мэдиссиинэ эйгэтин ревизора буолан, эдэр эрдэҕиттэн Н.В.Гоголь «Ревизор» кинигэтин кэллиэксийэлээн саҕалаабыт. Миигин Гоголь хаартыскалаах фииннии тылбаастаммыт «Ревизор» кинигэ сөхтөрдө. Анатолий Михайлович бу тула санаатын үллэһиннэ:
— Мин Саха сирин коллекционердарын бырабылыанньатын чилиэнэ буолабын, «Ревизору» мунньабын. Николай Гоголь сөбүлүүр суруйааччым буолар. Бары айымньытын аахпытым. Сергей Лазовскай диэн фотограф Римҥэ үөрэнэ сылдьан нуучча худуоһунньуктарын, скульптордарын, суруйааччыларын хаартыскаҕа үйэтиппит. Онно кини бу Николай Гоголь суруйааччыны көрсөн түһэрбит биир соҕотох хаартыската фииннии тылбаастаммыт кинигэҕэ киирбит. Бу хаартыска биһиэхэ, Арассыыйаҕа суох. Биһиэхэ наар худуоһунньуктар уруһуйдаан үйэтиппит мэтириэттэрэ эрэ баар. Мин кэллиэксийэлиир буоламмын Москваттан, атын куораттарга сылдьан бэйэм, ардыгар дьоҥҥо сакаастаһан атыылаһабын. Кэллиэксийэбэр 102 «Ревизор» кинигэтэ баар.
Анатолий Хохолов «Ревизор» итальянскайдыы тылбааһын көрдөрдө. Бу кинигэни киниэхэ эдьиийэ Италияттан аҕалбыт. Коллекционер Анатолий Хохолов ураты быыстапкатын тула үгүс киһи муһунна.
Бэлиэтээн суруйдахха, быыстапканы туруорууга Мархатааҕы «Встреча» бибилэтиэкэ бибилэтиэкэрэ Вера Петровна Осипова сүрүн оруолу ылбыт. Кэллиэксийэ туһунан сырдатыы тэлэбиисэргэ көстүбүтүгэр Хатас кулууба сибээскэ тахсан испэктээкил турар күнүгэр быыстапка туруорарга көрдөспүт. Онон бар дьон көрүүтүгэр ураты кэллиэксийэ туран испэктээкил иннинэ болҕомтону ылла.
Бүгүн 15:00 ч. дааннайынан, 30,37 % киһи куоластаата диэн СӨ Киин быыбардыыр хамыыһыйата иһитиннэрэр. Улуус…
Аллараа Халыма улууһун Колымскай сэлиэнньэтин (Халарчы нэһилиэгэ) 394 №-дээх быыбардыыр учаастагар алта оҕолоох ийэ, 2025…
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…