Режиссер Алексей Романов үрдүк наҕарааданы тутта

Режиссер Алексей Романов үрдүк наҕарааданы тутта

11.07.2024, 19:20
Хаартыска: "Сахфильм" пресс-сулууспата.
Бөлөххө киир:

«Сахафильм» хампаанньа уус-уран салайааччыта Алексей Романов «За вклад в развитие регионального кинематографа» диэн федеральнай наҕарааданы тутта. Үрдүк наҕарааданы II «Новый вектор» диэн эрэгийиэннээҕи кинематограф пуорумугар туттардылар. 

Хаартыска: "Сахафильм".

Пуорум от ыйын 8-10 күннэригэр Калиниградскай уобалас Светлогорскай куоратыгар буолла. Пуорум кэмигэр бастыҥ саха киинэлэрин көрдөрдүлэр. Ол курдук, Дьокуускайдааҕы норуоттар икки ардыларынааҕы  киинэ бэстибээлигэр бирииһи ылбыт киинэлэри көрдөрдүлэр.

«Дьокуускайдааҕы киинэ бэстибээлин кыайыылааҕа буолбут, режиссер Михаил Лукачевскай «Кыталыктаах кырдалым» киинэтин уонна көрөөччүлэр биһирэбиллэрин ылбыт, режиссер Николай Корякин «Тимир» киинэтин Арассыыйа көрөөччүлэрэ биһирээтилэр.

Пуорумҥа Алексей Романов Амма Аччыгыйа «Сааскы кэм» арамаанынан уһуллубут «Детство, которое мы не знали» киинэтэ эмиэ бэлиэтэннэ.

Алексей Семёнович Романов Саха сиригэр бастакы идэтийбит киинэ режиссера буолар,  «Северфильм» устуудьуйаны, онтон  «Сахафильм» судаарыстыбаннай хампаанньаны төрүттээбит киһи буолар, 1992 сылтан хампаанньа уус-уран салайааччытынан үлэлиир.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: