Олоҥхо тыйаатыра «Кыыс Дэбилийэ» испэктээги Астанаҕа К.Куанышбаев аатынан муусука-дыраама тыйаатырыгар көрдөрдө.
Көрөөччүлэр улаханнык биһирээбиттэрин биллэрэн, испэктээк кэнниттэн өргө диэри ытыстарын тыаһынан доҕуһуоллаатылар. Андрей Борисов саалаҕа тахсаатын кытары, артыыстар тута көрөөччүлэр иннилэригэр олорунан кэбистилэр уонна олус интэриэһинэй сэһэргэһии, маастар-кылаас саҕаламмытынан барда. Көрөөччүлэр ортолоругар Астана үс тыйаатырын артыыстара бааллар. Кинилэри кытары көрөөччүлэр Олоҥхо тыйаатырын төрүттээччи өрө көтөҕүллүүлээхтик кэпсиирин болҕойон иһиттилэр, сэһэргэһиигэ кытыннылар.
Андрей Саввич Олоҥхо тыйаатыра тэриллибит устуоруйатын, үлэни-хамнаһы кэпсээтэ. Маастар-кылааска Андрей уонна Степанида Борисовтарга сүгүрүйээччилэр санааларын үллэһиннилэр. Манна даҕаттахха, «Илиир хоруол» (Арассыыйа судаарыстыбаннай бириэмийэтэ), П.Ойуунускай аатынан Саха академическай драматическай тыйаатыр «Кыыс Дэбилийэ» испэктээх-олоҥхото («Кыһыл көмүс мааска» театральнай бириэмийэ), о.д.а. араас куораттар көрөөччүлэрин уонна тыйаатыр кириитиктэрин үрдүк сыанабылларын ылбыттара.
Кыыс Дэбилийэ оруолун толорбут, бүгүн испэктээк туруорааччы режиссерун быһыытынан үлэлээбит Олоҥхо тыйаатырын артыыскатыгар Степанида Борисоваҕа махтаннылар. Степанида Борисова тойугунан элбэх кэнсиэр бырагырааматыгар киирсэн, аан дойду бэстибээллэригэр кыттыыны ылбыта.
Дыраамаҕа оонньооһун уонна тойук улахан оскуоланы эрэйэллэр. Маныаха Степанида Ильинична култуура уонна ускуустуба Арктикатааҕы институтугар устудьуоннары кытары дьарыктанар, Олоҥхо тыйаатырын артыыстарын бэлэмниир.
Казахстаҥҥа биир көрөөччү Олоҥхо тыйаатыра чөмчүүк курдук тулатыгар сырдыгынан сыдьаайар диэн бэлиэтээбитэ элбэҕи этэр.
Көрөөччүлэр испэктээги биһирээтилэр, сөбүлээтилэр.
Сиһилии https://www.sakha.gov.ru/news/front/view/id/3395971 ааҕыҥ.
Мария Докторова,
Астана.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…