РФ Бэрэсидьиэнэ анаабыт эрэгийиэн Баһылыгын быстах кэмҥэ э.т. быраабыгар сыһыаннаах чуолкайдааһыннары киллэрии

Ил Түмэн спикерин солбуйааччы Афанасий Владимиров “Якутия 24” биэриигэ “өрөспүүбүлүкэ Баһылыгын быстах кэмҥэ э.т.” итиэннэ “РФ Бэрэсидьиэнэ анаабыт өрөспүүбүлүкэ Баһылыгын быстах кэмҥэ э.т.” диэн өйдөбүллэри араартаан өйдүөххэ наадатын өссө төгүл дьоҥҥо быһааран эттэ:

-РФ Бэрэсидьиэнэ анаабыт СӨ Баһылыгын э.т. Конституция  үлэлии туран нуорматынан өрөспүүбүлүкэ Төрүт Сокуонун уларытар, бырабыыталыстыбатын, Ил Түмэни ыһар бырааба суох. “РФ субъектарыгар аһаҕас былааһы тэрийии уопсай бириинсиптэрин туһунан” 414-ФЗ сокуонунан РФ Бэрэсидьиэнэ анаабыт эрэгийиэн Баһылыгын быстах кэмҥэ э.т. боломуочуйата чуолкай ыйылла сылдьар, ол быһыытынан кини маннык гынар бырааба суох:

1) РФ субъегын конституциятын (устаабын) уларытар туһунан этиини киллэрэрэ;

2) РФ субъегын сокуону оҥорор уорганын ыһара;

Ол иһин киллэриллэр уларытыыларынан РФ Бэрэсидьиэнэ анаабыт эрэгийиэн Баһылыгын быстах кэмҥэ э.т. быраабыгар сыһыаннаах чуолкайдааһыннары киллэрии этилиннэ.

Хайаан да “өрөспүүбүлүкэ Баһылыгын быстах кэмҥэ э.т.” итиэннэ “РФ Бэрэсидьиэнэ анаабыт өрөспүүбүлүкэ Баһылыгын быстах кэмҥэ э.т.” диэн өйдөбүллэри араартаан быһаарыахха наада.

СӨ Төрүт Сокуонун 81 ыст. ыйылла сылдьарынан, СӨ Баһылыга быстах кэмҥэ (ыалдьыбыт эбэтэр уоппускатын кэмигэр) эбээһинэһин кыайан толорбот буоллаҕына, ону СӨ Бырабыыталыстыбатын Бэрэссэдээтэлэ толорор, федеральнай сокуонунан көрүллүбүт балаһыанньаттан уратыларга.

Конституция 76 ыст. ыйарынан, СӨ Баһылыгын быстах кэмҥэ э.т. СӨ Баһылыгынан талыллан дуоһунаһыгар киириэр диэри РФ Бэрэсидьиэнинэн ананар, федеральнай сокуонунан көрүллүбүт балаһыанньаларга.

Дьэ манна эрэгийиэн Баһылыгын быстах кэмҥэ э.т. боломуочуйатын туһунан федеральнай сокуон нуормалара үлэлээбитинэн бараллар.