РФ бэрэсидьиэнэ байыаннай дьайыы кыттыылаахтарыгар саҥа көмө миэрэтин көрдө. Ол курдук, Владимир Путин гаас киллэрээһинигэр көмө ылааччылар категорияларын кэҥэтэр туһунан этии киллэрдэ. Бу көмөнү байаыннай дьайыы кыттыылаахтара уонна бастакы гурууппалаах инбэлииттэр тиксиэхтэрэ. Маннык көмөнү Саха сиригэр номнуо 50 дьиэ хаһаайыстыбата туһаммыт.
Маннык саҥа көмө миэрэтин туһунан этиилээх РФ аҕа баһылыга Арассыыйа энэргэтиичэскэй нэдиэлэтин пленарнай мунньаҕар иһитиннэрбит.
«Сир учаастагар тэрили атыылаһыыга уонна үлэни ыытыыга 100 тыһыынчаҕа тиийэ сууманы субсидия быһыытынан көрүөҕэ. Маннык көмөнү 52 тыһыынча кэриҥэ киһи туһанна. Олор истэригэр элбэх оҕолоох дьиэ кэргэттэр уонна кыаммат араҥа дьон», – диэтэ Владимир Путин.
Саха сиригэр социальнай гаастааһын чэрчитинэн бүгүҥҥү күҥҥэ гаас ситимигэр 4335 дьиэ холбоммут. Маны сэргэ, Ил Дархан Айсен Николаев дьаһалынан байыаннай дьайыы кыттыылаахтарын дьиэ кэргэттэрэ уонна бойобуой дьайыы бэтэрээннэрэ гаас ситимин тэрилин атыылаһыыга 150 тыһыыча солкуобай субсидияҕа тиксэллэр. Аадырыстаах көмө номнуо 52 дьиэ кэргэҥҥэ оҥоһуллубут. Итиэннэ бу көмөнү элбэх оҕолоох дьиэ кэргэттэр көхтөөхтүк туһаналлар.
Социальнай гаастааһын бырагыраамата РФ бэрэсидьиэнин дьаһалынан толоруллар. Биэс сыл устата күөх төлөн өрөспүүбүлүкэ 23 тыһыынча олохтооҕун дьиэтигэр холбоммут. 2030 сылга диэри өрөспүүбүлүкэҕэ өссө 15 000 дьиэни гаас ситимигэр холбуохтара.
Өлүөхүмэҕэ балаһыанньа билигин даҕаны уустугун уу түһэ илигэ туоһулуур. Билигин нэһилиэнньэҕэ бастакы ирдэнэр малы, ону…
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…