Сүрүн

РФ Бэрэсидьиэнэ Владимир Путин СӨ Ил Дархана Айсен Николаевы кытта көрүстэ

Ааптар: Саха Сирэ

29.05.2023, 20:29

Бөлөххө киир:

Бүгүн, ыам ыйын 29 күнүгэр, Российскай Федерация Бэрэсидьиэнэ Владимир Путин Саха Өрөспүүбүлүкэтин Ил Дарханын Айсен Николаевы кытта көрүстэ. Көрсүһүүгэ Саха сирин социальнай-экэнэмиичэскэй сайдыытын, бырамыысыланнас уонна информационнай технологиялар туһунан кэпсэттилэр.

«Өрөспүүбүлүкэ олоҕо-дьаһаҕа хайдаҕый?» — диэн Владимир Путин кэпсэтиини саҕалаата.

Айсен Николаев: «Владимир Владимирович, Саха сирэ куһаҕана суохтук сайдан иһэр, мин билиҥҥи усулуобуйалары учуоттаан, үчүгэй диэм этэ. Саха сирэ судаарыстыба экэнэмиичэскэй тыыла буолар соруктаах, урут даҕаны оннук этэ. Бүтэһик сыллааҕы көрдөрүүлэр биһиги инники баран иһэрбитин көрдөрөллөр», — диэн хоруйдаата.

Мантан сиэттэрэн кэпсэтии демографияҕа тиийдэ. Айсен Николаев бэлиэтээбитинэн, оҕо төрөөһүнүгэр Саха сирэ Уһук Илиҥҥэ бастакы миэстэҕэ, дойду үрдүнэн сэттис миэстэҕэ сылдьар. Саамай сүрүнэ, дьон көһөрө тохтообут. Айсен Сергеевич биэс сыллааҕыта, 2018 сыллаахха, Ил Дархан буолуутугар өрөспүүбүлүкэҕэ 960 тыһыынча киһи олорор эбит буоллаҕына, билигин 996 тыһыынча киһи буолбут. Быйыл 1 000 000-с олохтоох төрүүрүн күүтэрбитин Ил Дархан иһитиннэрдэ.

Итини таһынан, салайааччылар үлэ ырыынагын, инвестиционнай бырагыраамалар, бырамыысыланнас хампаанньаларын, ойуур баһаардарын утары үлэлэр туһунан кэпсэттилэр.

РФ Бэрэсидьиэнэ Владимир Путин СӨ Ил Дархана Айсен Николаевы кытта көрүстэ

Сообщить об опечатке

Текст, который будет отправлен нашим редакторам: