Салгыы
До выборов президента РФ
00 дней
:
00 часов
:
00 минут
:
00 секунд
РФ Бэрэсидьиэнин граныгар пуонда салайааччылара сэминээр ыыттылар

РФ Бэрэсидьиэнин граныгар пуонда салайааччылара сэминээр ыыттылар

19.10.2023, 16:11
Хаартыска -- Елена Потоцкая
Бөлөххө киир:

Саха сирэ Уһук Илин уокурук эрэгийэннэригэр РФ Бэрэсидьиэнин граныгар саамай элбэх сайаапканы түһэрэр уонна кыайыылааҕын ахсаанынан өрүү инники кэккэҕэ сылдьар.

Ол курдук, быйылгы сылга 14 бырайыак кыайыылааҕынан тахсан ботуччу суумалаах граннары ылан, араас кэскиллээх бырайыактары олоххо киллэрэр.

Бүгүн СӨ Аҕа баһылыгын иһинэн үлэлиир инновационнай менеджмент Үрдүкү оскуолатыгар РФ Бэрэсидьиэнин гранын пуондатын эспиэрдэрэ – пуонда  Сибиир уонна Уһук Илин эҥэр бэрэстэбиитэлистибэтин салайааччытын э.т. Павел Кузнецов уонна пуонда үбүлээһинин кэтээн көрөр дэпэртээмэнин салайааччыта Наталья Астахова анал сэминээр ыыттылар. Кинилэр сайаапканы толорууга туохха болҕомтону ууруохха диэҥҥэ уонна докумуону толорууга үгүстүк көстөр сыыһалары ырыттылар.

РФ Бэрэсидьиэнин грана сылга иккитэ куйаар ситимин анал былаһааккатыгар ыытыллар. Кэрэхсэбиллээҕэ баар, кыттааччы уонна кыайыылаах 90%-на – дойду эрэгийэннэриттэн. Саха сириттэн ордук элбэх кыттааччы уонна олус хаачыстыбалаах, болҕомтону тардар бырайыактар көмүскэнэллэрин бэлиэтиир тоҕоостоох. Дьүүллүүр сүбэ сүрүннээн бырайыактар социальнай хайысхаларын үөрэтэр, бүддьүөтү аттаран толоруу, халандаарынан үлэ төһө тутуһулларын уонна, биллэн турар, докумуону сөптөөхтүк толорууну сыаналыыр. Маны таһынан, бырайыак иһитиннэрэр-биллэрэр ситимнэргэ төһө чаастатык тахсан бэйэтин үлэтин билиһиннэрэрин эмиэ болҕомтоҕо ылабыт, — диэн Павел Кузнецов суруналыыстары кытта брифиҥҥэ бэйэтин санаатын үллэһиннэ.

Суолталаах тэрээһиҥҥэ 200-чэ киһи кыттыыны ылла. Кэрэхсэбиллээҕэ баар, улуустартан анал дэлэгээссийэлэр эмиэ кэлэн кыттыыны ыллылар. Холобур, Бүлүү улууһуттан кэлбит дэлэгээссийэ туһунан улуустааҕы Аҕа сэбиэтин салайааччыта Юрий Тутукаров санаатын бу курдук үллэһиннэ:

Бу сэминээргэ биһигини, 7 уопсастыбанньыгы,  улуустааҕы дьаһалта анаан тэрийэн ыытта. РФ Бэрэсидьиэнин пуондатыгар кыттыбыппыт гынан баран, ааспатахпыт. Онон бу сэминээргэ үөрэнэн, сыыһаларбытын көннөрүнүөхпүт диэн санаалаахпыт. Ыччат министиэристибэтин граныгар кыайан, 100 тыһыынча солкуобайдаах бырайыагы олоххо киллэрэ сылдьабыт. Итирдэр утаҕы иһэр-аһыыр төрөппүттэри көнө суолга үктэннэрии үлэтигэр ситиһиилээхпит диэххэ наада. Бу бырайыакпыт дойду таһымнаах куонкуруска бастаан, онтон кынаттанан, өссө да үгүһү ситиһэр былааннаахпыт.

Ити курдук, кэскиллээх санаалаах уопсастыбанньыктар үтүө дьыаланы олоххо киллэрэр инниттэн бу сэминээргэ анаан муһуннулар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
4 марта
  • -28°C
  • Ощущается: -28°Влажность: 76% Скорость ветра: 1 м/с

Сообщить об опечатке

Текст, который будет отправлен нашим редакторам: