Туох буолбутай ол күн? 2022 сыллаах саас халаан уута кэлэн турара, өрүскэ халҕаһа муус устара.
Бүгүн Арассыыйа Бэрэсидьиэнэ Владимир Путин Ыйааҕынан “СӨ Быыһыыр сулууспата” судаарыстыбаннай бүддьүөт тэрилтэтин быыһааччыта Максим Афанасьевич Колесов уонна “СӨ Быыһыыр сулууспата” судаарыстыбаннай бүддьүөт тэрилтэтин управлениетын начаалынньыга Батыр Идрисович Сейдалов “Өлөн эрээччилэри өрүһүйүү иһин” мэтээлинэн наҕараадаламмыттара билиннэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
2022 сыллаахха халаан уута кэлэн турдаҕына, Нам улууһугар мууһу эһэр үлэни ыыта сылдьар оперативнай бөлөх суһал ыҥырыынан Граф Биэрэгин таһыгар баар арыыга хаалбыт киһини өрүһүйэ көппүтэ. Кини туристическай дьиэтэ ууга тимирэр арыыга турара.
Быыһааччылар “эмсэҕэлээччини альпинист быатыгар баайан таһаарар” эпэрээссийэни оҥорбуттара. Бу олус уустук эпэрээссийэ, аны ону толорорго кутталлаах күн-дьыл турара, күүстээх тыал балаһатыгар бөртөлүөт эрийэр салгынын баттааһына эбиискэлэһэрэ. Онон бөртөлүөттэн быанан түһүү быыһааччыларга бэйэлэригэр да кутталлааҕа. Ол да гыннар хайыахтарай, бу киһини быыһыыр суос соҕотох ньыма этэ.
Батыр Сейдалов десантник Максим Колесовы аллараа түһэрэ туран, бөртөлүөт салгыҥҥа биир балаһыанньаҕа турарын хонтуруоллаабыта, инньэ гынан икки соругу тэҥинэн толорбута. Колесов дьиэ сарайыгар түһэн, эмсэҕэлээччини онно таһааран, үөһэ бөртөлүөккэ таһаарбыта. Эмсэҕэлээччи ыйааһына быыһааччыттан быдан ыарахан этэ.
Киһини бөртөлүөккэ таһаарааттарын кытта, харахтарын ортотугар туристическай дьиэни муус халҕаһата тоҕо анньан ааспыта.
Хорсун быыһааччылары “Өлөн эрээччини өрүһүйүү иһин” үрдүк наҕараадаларынан эҕэрдэлиибит!
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…