Хаартыска СӨ Баһылыгын уонна Бырабыыталыстыбатын пресс-сулууспатыттан
«ВОИН» байыаннай-спортивнай бэлэмнэниини уонна ыччакка патриотическай иитиини сайыннарар кииҥҥэ снайперскай бинтиэпкэлэри туттарыы сиэрэ-туома буолан ааста. Бу бинтиэпкэлэр сотору кэминэн анал байыаннай дьайыыга байыастарга ыытыллыахтара.
Бу анал байыаннай дьайыыга сылдьар байыастары өйүүр иккис аахсыйа буолар. Аахсыйа «ВОИН» киин, РФ бойобуой снайпингын федерацията уонна Арассыыйа Оборонатын министиэристибэтин бииргэ үлэлээһиннэрин чэрчитинэн, ону таһынан Арассыыйа Федерациятын Бырабыыталыстыбатын Бэрэссэдээтэлин солбуйааччыта – Арассыыйа Федерациятын бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «ВОИН» киин Кэтээн көрөр сэбиэтин бэрэссэдээтэлэ Юрий Трутнев өйөбүлүнэн олоххо киирэр.
Санатан эттэххэ, муус устарга мультикалибрдаах снайперскай бинтиэпкэлэр уонна полуавтоматическай бинтиэпкэлэр фроҥҥа ыытыллыбыттара.
Байыастар тиэхиньикэни эрэ буолбакка, «ВОИН» киин инструктордарыттан уонна Бойобуой снайпинг федерациятын бэрэстэбиитэллэриттэн, уопуттаах эпиһиэрдэртэн билиини, үөрүйэҕи ылыахтара.
«Эһиги маладьыастарыгт – биһиги эһиэхэ эрэнэбит. Саамай сүрүнэ – биэрэр билиилэрин иҥэрин, бинтиэпкэлэри туһаныҥ, оттон биһиги доҕордорбутун-партнердарбытын кытта бииргэ саҕалаабыт дьыалабытын салгыахпыт. Буойун ытык иэһин толороргут иһин эһиэхэ улахан махтал. Биһиги мэлдьи эһигини кытары, сибээскэ баарбыт», — диэн Арассыыйа Дьоруойа, Арассыыйа Бойобуой снайпинын федерациятын бэрэсидьиэнэ, Арассыыйа аармыйатын тактическай ытыыга федерациятын вице-бэрэсидьиэнэ, гвардия майора Ярослав Якубов (позывнойа «Ярый») бэлиэтээн эттэ.
«ВОИН» байыаннай-спортивнай бэлэмнэниини киинэ Арассыыйа Бэрэсидьиэнэ Владимир Путин сорудаҕынан тэриллибитэ. Дойду 21 эрэгийиэнигэр филиаллара үлэлииллэр. Уһук Илиҥҥэ эрэгийиэннээҕи салаалара Хабаровскай кыраайга, Бурятия Өрөспүүбүлүкэтигэр, Сахалин уобалаһыгар, Камчаатка кыраайыгар, Саха Өрөспүүбүлүкэтигэр аһыллыбыттара. «ВОИН» филиаллара 400-тэн тахса инструкторы түмэллэр, ол иһигэр Арассыыйа Бойобуой снайпинын федерациятын исписэлиистэрэ бааллар, үгүстэрэ анал байыаннай дьайыы кыттыылаахтара.
Кинилэр 14 саастарыттан үөһэ саастаах ыччаты ытыыга, инженерияҕа уонна тактическай бэлэмнэниигэ, сибээһи тэрийиигэ, национальнай куттал суох буолуутун төрүттэригэр, БПЛА пилоттааһыныгар, тактическай мэдисиинэҕэ, байыаннай-спортивнай оонньуулар курдук араас дьиссипилиинэҕэ дьарыктыыллар. Икки сыл иһигэр араас хайысхаларынан 55 тыһыынчаттан тахса ыччат үөрэннэ.
Сиһилии бу сигэнэн аах: https://www.sakha.gov.ru/news/9142
Бааннар сокуоннай саастарын ситэ илик оҕолорго счету төрөппүттэрин сөбүлэҥинэн эрэ арыйар буолуохтара. Бу туһунан атырдьах…
Киин Баан от ыйыгар сүрүн ыстаапканы 18%-ҥа диэри намтатан, атырдьах ыйыгар суоппардарга тырааныспар кирэдьиитин ыстаапката…
Саха сиригэр ойуур баһаардарын ахсаана 58-гэ диэри элбээтэ (от ыйын 31 күнүгэр 47 этэ). Ойуур…
Жатай олохтооҕо даачатыгар көтөр кутуйаҕы туппут. Тирии кынаттаах хаартыската соторутааҕыта социальнай ситимнэринэн тарҕанна. Көтөр кутуйахтар…
Оҕо күүтэр дьахталларга уонна оҕоломмут ийэлэргэ босхо үүтү биэрии салҕанар. Үүтү ыларга быраас анааһына наада…
Бу сыл атырдьах ыйын 1 күнүттэн Арассыыйаҕа суол бырабыылаларыгар саҥа, өссө кытаанах уларыйыылар киллэриллэллэр. ГИБДД…