РФ бүддьүөтэ биэнсийэни эбии индексациялыырга бэлэмин эттилэр. Төлөбүр төһөнөн үрдүөҕэй?

Арассыыйа бүддьүөтэ гражданнарга биэнсийэни эбии индексациялыырга бэлэм.

Бу туһунан Судаарыстыбаннай Дуума социальнай бэлиитикэҕэ кэмитиэтин чилиэнэ Екатерина Стенякина эттэ. Ол эбэтэр бырабыыталыстыба 2025 сыл олунньу 1 күнүгэр диэри ааспыт сыллааҕы инфляция таһымын учуоттаан страховой биэнсийэлэри салгыы индексациялыыр. Эбии үрдээһин 2,22 бырыһыан буолара чопчуланар.

Страховой биэнсийэни эбии индексациялааһын 40 мөлүйүөн кэриҥэ киһиэхэ дьайыаҕа.

Санатан эттэххэ, быйыл тохсунньу 1 күнүгэр үлэлээбэт да, үлэлиир да биэнсийэлээхтэр страховой биэнсийэлэрэ 7,3% индексацияламмыта. Росстат дааннайынан, 2024 сылга дойдуга инфляция 9,52% тэҥнэспит.