Хаартыскаҕа Андрей Сорокин (СИА) түһэриитэ
Дьокуускай куоракка РФ Ис дьыалаҕа миниистирэ, полиция генерала Владимир Колокольцев уонна Ил Дархан Айсен Николаев көрүстүлэр.
ИДьМ салайааччыта өрөспүүбүлүкэҕэ суһал быһыы-майгы хонтуруолга тутулларын, туруктааҕын бэлиэтээтэ. Кэнники биэс сылга өрөспүүбүлүкэҕэ буруйу оҥоруу Уһук Илин уокурукка саамай намыһах, ол иһигэр ыарахан уонна ураты ыарахан буруйу оҥоруу ахсаана кыра диэтэ.
Айсен Николаев бэлиэтээбитинэн, өрөспүүбүлүкэ Ис дьыалаҕа министиэристибэтин кытары былаас уоргана ыкса ситимнээхтик үлэлиир. Анал бырагыраама чэрчитинэн ИДьМ Саха сиринээҕи салаатын 2-с №-дээх полиция отделын дьиэтэ үлэҕэ киирбитэ, аны Полиция идэтигэр бэлэмниир кииҥҥэ тиирдээх успуорт саалата тутулла турар. Өрөспүүбүлүкэ үбүлээһининэн ГИБДД уонна миграция салаатынан судаарыстыбаннай өҥөнү оҥорор киин административнай дьиэ атыылаһыллыахтаах.
Ону таһынан Дьокуускай куоракка өрөспүүбүлүкэ көмөтүнэн полиция үлэһиттэрэ олороллоругар анаан кыбартыыралар көрүллүбүттэр. Итиннэ эбии участковайдарга уонна ППС үлэһиттэригэр хамнастарыгар эбии төлөбүрү олохтооһун көрүллүөхтээх. «Куттала суох куорат» аппаратнай-программнай комплекс сайдыытын боппуруоһа быһаарылла сылдьар, ол чэрчитинэн билиҥҥи туругунан, 853 видеокамера туруоруллубут, 15 суһал систиэмэ сибээһэ оҥоһуллубут, 159 суол быраабылатын кэһиини быһаарар көһө сылдьар комплекс атыылаһыллыбыт.
Бары муниципальнай тэриллиилэргэ норуот дружиналара үлэлэрин тэрийэр өрөспүүбүлүкэтээҕи ыстаап тэриллибит, кинилэргэ харчынан көҕүлээһин көрүллүбүт.
Оробуочай көрсүһүү түмүгэр РФ ИДьМ миниистирэ уонна өрөспүүбүлүкэ баһылыга дьон олоҕун араҥаччылыыр уонна уопсастыба олоҕун бэрээдэктиир үлэҕэ икки өттүттэн сүрүн боппуруостары быһаардылар.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэ үрдүнэн суукка иһигэр 4 буруйу оҥоруу тахсыбытын туһунан иһитиннэрии бэлиэтэннэ диэн СӨ Борокуратууратын пресс-сулууспата…
Тохсунньу 7-8 күннэригэр Күн, Венера уонна Марс биир лииньийэҕэ кэриэтэ кэчигирэһиэхтэрэ. Маннык көстүү 250-ча сыл…
Тохсунньу 5 күнүгэр Ньурба улууһун ЕДДС сулууспатыгар 1955 с.т. дьахтар сүппүтүн туһунан иһитиннэрии киирбит. Бу…
Саха дьоно былыргыттан күнү-дьылы билгэлээн, халлаан туругунан сирдэтинэн олороллор. Эһиилги дьыл өҥүн, кураанын эндэппэккэ быһаараллара.…
Саха сиринээҕи Силиэстийэлиир кэмитиэтин Чурапчытааҕы оройуоннар икки ардыларынааҕы силиэстийэлиир салаата РФ ХК 111-с ыстатыйатын 4-с…
Бүгүн Ороһуоспа тымныыта түһэр. Саха сирин синоптиктарын билгэлээһиннэринэн бүгүн, тохсунньу 6 күнүгэр, үгүс улуустарынан, арҕаа…