РФ Конституциятын күнүгэр Дьокуускайга үрдүкү кылаас үөрэнээччилэрин патриотическай пуорумнара саҕаланна

Бүгүҥҥүттэн, ахсынньы 12 күнүттэн, РФ Конституциятын күнүгэр Дьокуускайга «Объединяя лучшее — быть первым!» диэн ааттаах үрдүкү кылаас үөрэнээччилэрин патриотическай пуорумнара саҕаланна.

Пуорум үөрүүлээх аһыллыыта Бырабыыталыстыба 2-с №-дээх дьиэтигэр ыытылынна. Оскуола лиидэрдэрин, бэрэсидьиэннэрин Арассыыйа юристарын түмсүүлэрин эрэгийиэннээҕи салаатын бэрэссэдээтэлэ Александр Ким-Кимэн, СӨ Ыччат дьыалаларыгар миниистири солбуйааччы Андрей Сосновскаяй, ХИФУ проектора Александр Ильин, Ыччат Парламенын бэрэссэдээтэлэ Антон Васильев эҕэрдэлээтилэр. Үөрэнээччилэр ааттарыттан СӨ Бэрэсидьиэнин оскуолаларын ситимин — Үөһээ Бүлүүтээҕи гимназия выпускнига Ян Карамзин  харда тылы эттэ.

Патриотическай пуорум икки күн устата ыытыллыаҕа. Өрөспүүбүлүкэ араас улуустарыттан кэлбит үөрэнээччилэр миниистирдэри, тэрилтэлэр салайааччыларын, биллэр эспиэрдэри кытта үлэлиэхтэрэ. Итиэннэ култуура эбийиэктэригэр, устуоруйаны, үөрэхтээһини кэрэһэлиир тэрээһиннэргэ сылдьыахтара.