Сайаана Львова хаартыскаҕа түһэриитэ.
Бүгүн Дьокуускай куоракка ойуур баһаарыгар уонна сааскы халааҥҥа бэлэмнэнэн, дьон олоҕор куттал суох буолуутун хааччыйар, ыксаллаах быһыы-майгы систиэмэтин үлэтин көрдүлэр. Тэрээһиҥҥэ РФ Айылҕа ресурсаларын уонна экологиятын миниистирэ Александр Козлов, Ил Дархан Айсен Николаев кытыннылар.
Ыксаллаах быһыы-майгы министиэристибэтэ, «Лесресурс» тэрилтэтэ, Судаарыстыбаннай баһаарынай сулууспа, Роспотребнадзор, Быыһыыр сулууспа, өрөспүүбүлүкэ ыксаллаах быһыыга-майгыга бэлэмин көрдүлэр. Тустаах тэрилтэлэртэн 280 киһи уонна 50-тан тахса тиэхиньикэ кытынна. Ойуур баһаарыгар уонна сааскы халааҥҥа көмөҕө уонна дьону таһыыга туһаныллар аныгы тиэхиньикэлэр, туттар тээбириннэр, о.д.а. көрдөрүлүннүлэр.
Миниистир кылгас тыл этиитин кэнниттэн сэлэлии турбут дьону кэрийэ хаама сылдьан тустаах тэрилтэлэр салайааччыларын дакылааттарын иһиттэ. Салгыы сааскы халааҥҥа уонна ойуур баһаарын сезонугар бэлэмнэнии боппуруостарыгар мунньахтаатылар.
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников бүгүҥҥү тэрээһин туһунан маннык эттэ:
— Баһаары утарар күүстэрбитин уонна ыксаллаах быһыы-майгы систиэмэтин бэлэмин көрдөрдүбүт. Манан сиэттэрэн этиэм этэ, соторутааҕыта икки улахан бэрэбиэркэни аастыбыт. Рослесхозтан уонна РФ ыксаллаах быһыы-майгы министиэристибэтэ улахан бэрэбиэркэни ыыттылар. Бэрэбиэркэлэр түмүктэринэн өрөспүүбүлүкэбит баһаар сезонугар уонна халааҥҥа бэлэмнээҕин бэлиэтээтилэр. Тиэхиньикэлэр бары техосмотру ааспыттара. Ыксаллаах быһыы-майгы министиэристибэтин Саха сиринээҕи управлениетын салайааччыта Павел Гарин сааскы халааҥҥа уонна баһаар сезонугар бэлэмнэнии үлэлэрин былаана бигэргэтиллэн үлэ бара турарын эттэ.
«Бүгүн Саха Өрөспүүбүлүкэтин ыксаллаах быһыыга-майгыга суһал систиэмэтигэр баар бары тэрилтэлэр кэлэн Үс Хатыҥҥа бэлэми көрүүнү аастылар. Тустаах тэрилтэлэр бары бэйэлэрин салааларынан, баһаары кытары охсуһарга, халаан содулун туоратарга бэлэмнэр, анал үөрэҕи аастылар. Бэҕэһээ РФ Бырабыыталыстыбатыгар баһаар сезонугар уонна халааҥҥа эрэгийиэннэр бэлэмнэрин туһунан боппуруостарга мунньах буолан ааста. Онно өрөспүүбүлүкэ үрдүк бэлэмнээҕин бэлиэтээтилэр. От ыйыгар манна РФ ЫБМ министиэристибэтин икки БИ-200 сөмөлүөтэ уонна икки МИ-8 бөртөлүөтэ баазаланыахтара. Онон баһаар сезонугар бэлэмнэнии үрдүк тэрээһиннэхтик барар», — диэн миниистир бэлиэтээтэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…